Коршинос Ҳасан Асоев: «Таъсири ҳавои номусоид ба дарахтони навъҳои маҳаллӣ камтар мерасад»

Октябрь 7, 2021 13:08

ДУШАНБЕ, 07.10.2021 /АМИТ «Ховар»/. Тавре қаблан хабар додем, бинобар пешгӯии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз 8 то 11 октябр дар ҷумҳурӣ ҳаво номусоид шуда, ҳарорат якбора паст мефарояд. Дар баъзе ноҳияҳо шамол дар як сония то 7-12 метр вазида, бориши  борон дар водиҳою баландкӯҳҳо  ба барф табдил меёбад.

Агар ҳавои номусоид дар Тоҷикистон ду-се рӯз идома ёбад ва ё зуд гузарад, ба ҳосили ҷамъоваринашудаи зироат ва сабзавот хисороти  зиёд намерасонад. Аз ин рӯ моро зарур аст, ки аз ин равандҳои табиӣ огоҳ бошем»,-гуфт  коршиноси масоили экологӣ  Ҳасан Асоев  ба хабарнигори АМИТ «Ховар» дар робита ба ҳавои номусоид ва таъсири он ба маҳсулоти кишоварзӣ.

Ба саволи хабарнигори АМИТ «Ховар» дар мавриди он ки  сардиҳои аввал метавонанд ба заминҳои кишоварзӣ ва ҳосили расида зарар расонанд, коршиноси масоили экологӣ Ҳасан Асоев  посух дод, ки кишоварзони мамлакат бояд аз паст гардидани ҳарорати ҳаво ноумед нагарданд, зеро ҳарорати пасти ду ё серӯзаи ҳаво талафоти  зиёд боқӣ намегузорад.

Ба гуфти Ҳасан Асоев,  равандҳои тағйирёбии иқлим яке аз мушкилоти асосии ҷомеаи муосир гардидаанд. Масъалаи асосӣ дар он ифода меёбад, ки то ҳол дар бораи равандҳои тағйирёбии иқлим нуқтаи назари ягонаи илмӣ дида намешавад.

«Як нуктаро бояд ба назар гирем, ки инсон дар табиат на шоҳ асту на гадо, балки ҷузъи табиат мебошад ва мувофиқи қонунҳои табиат зиндагӣ мекунад. Мақсади асосии бурдани тамоми тадқиқоти илмӣ, пеш аз ҳама, омӯзиши қонунияти табиат ва вобаста ба он зиндагӣ кардан мебошад», — гуфт ҳамсуҳбат.

Коршиноси масоили экологӣ чунин меҳисобад, ки  агар зироат ва дарахтон бештар аз навъҳои маҳаллӣ бошанд, яъне дар ин минтақа инкишоф ёфта, пурра ба муҳити он созгор бошанд, таъсири ҳавои номусоид ба онҳо то андозае камтар мерасад. Аммо навъҳои воридгардида аз ин ҳавои номусоиду сард бештар зиён мебинанд.

Имрӯз тағйирёбии иқлим ва вазъи экологии дунё тамоми ҷамъиятро ба ташвиш овардааст.

Ба андешаи коршиносон, Ҷумҳурии Тоҷикистон ба офатҳои табиӣ осебпазир мебошад. Солҳои охир тағйирёбии иқлим, аз қабили вайроншавии реҷаи бориш, баландшавии ҳарорати ҳаво, коҳиши масоҳати пиряхҳо,  зиёд шудани шумораи рӯзҳои гарм, кам шудани шумораи рӯзҳои хунук, тағйироти назарраси ҳаҷм ва муҳлати бориш ба мушоҳида мерасад.

Барои ҳалли мушкилоти тағйирёбии иқлим ва мутобиқшавӣ дар соҳаи кишоварзӣ истифодаи гармхонаҳо барои парвариши зироати гуногун ва шинонидани навъҳои ба сармо ва хушкӣ тобовари дарахтони мевадиҳанда барои муҳофизати онҳо аз обу ҳавои ноустувор, инчунин бунёди паноҳгоҳҳо аз гармӣ ва сармо барои чорво тавсия дода мешавад.

Акс аз бойгонии АМИТ «Ховар»

Октябрь 7, 2021 13:08

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад