Миёни Маҷлиси намояндагони Маҷлиси Олии Ҷумҳурии Тоҷикистон ва Маҷлиси Бузурги миллии Туркия Протокол оид ба ҳамкории байнипарламентӣ ба имзо расид

Октябрь 14, 2021 13:41

ДУШАНБЕ, 14.10.2021 /АМИТ «Ховар»/. Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода, ки бо сафари корӣ дар Ҷумҳурии Туркия қарор дорад, бо Раиси Маҷлиси Бузурги Миллии Туркия Мустафо Шентоп «Протокол оид ба ҳамкории байнипарламентӣ миёни Маҷлиси намояндагони Маҷлиси Олии Ҷумҳурии Тоҷикистон ва Маҷлиси Бузурги миллии Туркия»-ро ба имзо расониданд.

Тавре котиби матбуоти Маҷлиси намояндагон Муҳаммадато Султонов аз шаҳри Анқара ба АМИТ «Ховар» хабар дод, дар Протоколи мазкур омадааст, ки «тарафҳо ҳамкориро мутобиқи талаботи қонунгузории давлатҳои худ ба роҳ монда, дар доираи салоҳияти худ ба таҳкими робитаҳо миёни Ҷумҳурии Тоҷикистон ва Ҷумҳурии Туркия дар соҳаҳои гуногуни ба ҳарду тараф судманд мусоидат хоҳанд кард».

Тарафҳо ҳамчунин ба таҳкими робитаҳои доимии байни кумитаю комиссияҳо, гурӯҳҳои вакилон, дастгоҳҳои тарафҳо мусоидат намуда,  бо мақсади таҷрибаандӯзӣ дар таҳия ва қабули санадҳои қонунгузорӣ ва таҷрибаи фаъолияти парламентӣ табодули ҳайатҳои парламентиро ба роҳ мемонанд.

Зимни ба имзо расонидани Протоколи мазкур таъкид карда шуд, ки имрӯз Маҷлиси намояндагони Маҷлиси Олии Ҷумҳурии Тоҷикистон ва Маҷлиси Бузурги миллии Туркия ба рушди муносибатҳои анъанавии дӯстӣ, ҳамдигарфаҳмӣ ва ҳамкорӣ миёни халқҳои Ҷумҳурии Тоҷикистон ва Ҷумҳурии Туркия аҳамияти махсус медиҳад. Дар робита ба ин барои тавсеаи минбаъдаи робитаҳои созанда миёни мақомоти қонунгузории ҳарду кишвар «Протокол оид ба ҳамкории байнипарламентӣ миёни Маҷлиси намояндагони Маҷлиси Олии Ҷумҳурии Тоҷикистон ва Маҷлиси Бузурги миллии Туркия» ба имзо расонида шуд.

АКС аз Маҷлиси намояндагони Маҷлиси Олии ҶТ

Октябрь 14, 2021 13:41

Хабарҳои дигари ин бахш

Дилрабо Мансурӣ дар Анҷумани сеюми занони Авруосиё доир ба нақши занон дар рушди дипломатияи сулҳ ва боварӣ сухан гуфт
Чин ба Тоҷикистон дар ҳаҷми 800 миллион юани чинӣ кумаки бебозгашт пешниҳод намудааст
Раиси Маҷлиси намояндагони Маҷлиси Олии Тоҷикистон Маҳмадтоир Зокирзода бо Раиси Маҷлиси Бузурги Миллии Туркия Мустафо Шентоп мулоқот намуд
Раиси Маҷлиси намояндагон Маҳмадтоир Зокирзода бо Президенти Туркия Реҷеп Тайип Эрдуғон мулоқот намуд
Маҳмадтоир Зокирзода бо Вазири корҳои хориҷии Ҷумҳурии Туркия Мавлуд Човушоғлу мулоқот намуд
Маҳмадтоир Зокирзода бо роҳбари гурӯҳи дӯстии байнипарлумонии Туркия-Тоҷикистон Аҳмед Узер мулоқот намуд
Ҳайати парлумонии Маҷлиси намояндагон таҳти раёсати Маҳмадтоир Зокирзода ба Ҷумҳурии Туркия сафар намуд
Ҷавобгарӣ барои қонунвайронкунӣ аз тарафи пиёдагардон пурзӯр мегардад
Дилрабо Мансурӣ: Баробарии марду зан ҳуқуқи асосии инсон ва омили муҳими рушди устувор мебошад
Дар ҷаласаи навбатии иҷлосияи сеюми Маҷлиси намояндагон қарорҳои дахлдор қабул карда шуданд
Лоиҳаи Қонун «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф» баррасӣ гардид
Дар Маҷлиси намояндагон дар мавзӯи «Бунёди ҷомеаи муштараки Чин ва Осиёи Марказӣ бо тақдири ягона» ҳамоиш доир шуд