Намояндагии доимии Тоҷикистон дар СММ вохӯрии Гурӯҳи дӯстони обро дар шакли видеоконференсия баргузор намуд
ДУШАНБЕ, 18.10.2021 /АМИТ «Ховар»/. 15 октябр Намояндагии доимии Тоҷикистон дар СММ ҷиҳати татбиқи ҳадафу вазифаҳои Даҳсолаи байналмилалии амал «Об барои рушди устувор, 2018-2028» вохӯрии навбатии Гурӯҳи дӯстони обро дар шакли видеоконференсия доир намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Меҳвари вохӯрӣ Конфронси бознигарии миёнамуддати Даҳсолаи байналмилалии амал “Об барои рушди устувор, 2018-2028”, ки соли 2023 дар Ню-Йорк доир мегардад, буд.
Зимни мулоқот брифинги Фиристодаи махсуси Президенти Тоҷикистон оид ба масъалаҳои об Султон Раҳимзода, Фиристодаи махсуси Нидерланд оид ба масоили об Ҳенк Овинк баргузор гардида, дар он роҷеъ ба раванди омодагӣ ба Конфронси мазкур маълумот пешкаш гардид. Ҳамчунин муовини Дабири кулли СММ оид ба масъалаҳои иқтисодӣ ва иҷтимоӣ Лиу Женмин ба ҳайси Дабири кулли Конфронси 2023 оид ба об дар робита ба раванди омодагӣ ба Конфронс изҳори назар кард.
Муовини дабири кулл, Намояндаи олии СММ оид ба масъалаҳои Гурӯҳи кишварҳои тараққикардаи маҳсур дар хушкӣ, кишварҳои кам тараққикарда ва кишварҳои хурди ҷазиравӣ Куртенай Раттрай ва муовини Раиси ниҳоди СММ-захираҳои об Келли Анн Нейлор дар нишасти мазкур низ иштирок ва суханронӣ карданд.
Дар вохӯрӣ намояндагони бархе аз кишварҳои узви СММ дар бораи чорабиниҳои минтақавии тадорукотӣ ба Конфронси 2023, аз ҷумла роҷеъ ба чорабинии сатҳи баланд барои омодагӣ ба Конфронси 2023 оид ба об дар Сингапур (25.06.2021), Конфронси сатҳи баланд оид ба Ҳадафи 6-уми рушди устувор (ҲРУ 6) дар Бонн (01.07.2021), Саммити минтақаи Осиё ва Уқёнуси Ором оид ба об дар Япония (2022), Симпозиум оид ба Даҳсолаи байналмилалии амали об дар доираи Конфронси уқёнус дар Португалия (2022), Конфронси навбатии байналмилалии сатҳи баланд оид ба Даҳсолаи байналмилалии амал «Об барои рушди устувор, 2018-2028» дар Душанбе (2022) суханронӣ карданд.
Дар нишасти маҷозӣ беш аз 90 намояндаи кишварҳои узв дар сатҳи сафир иштирок карданд.
АКС аз ВКХ ҶТ
Дар Москва машваратҳо дар қолаби «Осиёи Марказӣ – Русия» доир гардиданд
Намояндаи доимии Тоҷикистон бо директори генералии Созмони рушди саноати СММ мулоқот намуд
Дар Москва ҷаласаи Шурои ҷамъиятии назди Сафорати Тоҷикистон дар Русия баргузор гардид
Сафири Тоҷикистон бо муовини раиси Шурои иҷроияи Ҳизби ҳокими Туркия мулоқот намуд
Сафири Ҷумҳурии Тоҷикистон бо ёвари Вазири тиҷорати Иёлоти Муттаҳидаи Амрико мулоқот намуд
Сафири Тоҷикистон бо Вазири савдо ва робитаҳои иқтисодии хориҷии Туркманистон мулоқот намуд
Сафири Тоҷикистон ба Президенти Австрия эътимоднома супорид
Намояндаи доимии Тоҷикистон бо иҷрокунандаи вазифаи директори генералии дафтари СММ дар Вена мулоқот намуд
РАВАНДИ ОБИ ДУШАНБЕ. Тоҷикистон барои пешбурди рӯзномаи ҷаҳонии об тамоми кӯшишҳоро ба харҷ медиҳад
Мудири Барномаи рушди Созмони Милали Муттаҳид ба Конфронси 4-уми оби Душанбе даъват шуд
Дар Ню-Йорк нақши ташаббусҳои Тоҷикистон дар платформаҳои сиёсии ҷаҳонӣ баррасӣ гардид
Сафири Тоҷикистон бо муовини Вазири корҳои хориҷии Миср мулоқот намуд
