Намояндаи Тоҷикистон дар Анҷумани XIII Ассотсиатсияи тадқиқоти байналмилалии Русия ширкат варзид

Октябрь 18, 2021 10:33

ДУШАНБЕ, 18.10.2021 /АМИТ «Ховар»/. Аз 14 то 16 октябр дар Донишкадаи давлатии муносибатҳои байналмилалии Москваи Федератсияи Русия Анҷумани XIII Ассотсиатсияи таҳқиқоти байналмилалии Русия баргузор шуд,  хабар доданд ба АМИТ «Ховар» аз Академияи идоракунии давлатии назди Президенти Ҷумҳурии Тоҷикистон.

Дар ҷаласаи пленарии «Рушди устувор – платформа барои муколамаи васеи байналмилалӣ» намояндаи махсуси Президенти Русия оид ба робита бо созмонҳои байналмилалӣ барои расидан ба Ҳадафҳои рушди устувор Анатолий Чубайс, Директори генералии Созмони умумиҷаҳонии савдо (2005-2013) Паскал Лами, муовини Раиси Маҷлиси миллии Ҷумҳурии Озарбойҷон Адил Абишогли Алиев, узви ҳайати мушовара (вазир) оид ба энергетика ва инфрасохтори Комиссияи иқтисодии Авруосиё Темирбек Асанбеков, губернатори қаламрави Камчатка Владимир Солодов, декани факултаи илмҳои ҷамъиятии Мактаби олии иқтисодии Донишгоҳи миллии тадқиқотӣ, ректори Академияи идоракунии давлатии назди Президенти Ҷумҳурии Тоҷикистон Абдухалил Ғафурзода, директори генералии Маркази умумирусиягии омӯзиши афкори ҷамъиятӣ Валерий Федоров тариқи ҳузурӣ ва маҷозӣ иштирок ва табодули афкор намуданд.

Ректори Академияи идоракунии давлатӣ Абдухалил Ғафурзода зимни суханронӣ саҳми анҷуманро дар таъмини рушди устувори минтақа ва ҷаҳон, ибрози муколамаҳои васеъ дар сатҳи байналмилалӣ, баррасӣ ва ҳалли масоили байналмилалӣ муҳим арзёбӣ кард.

Абдухалил Ғафурзода таваҷҷуҳи иштирокдорони Анҷуманро ба масъалаи муҳимтарини рӯз – вазъи имрӯзаи Ҷумҳурии Исломии Афғонистон ҷалб намуд. Ӯ тазаккур дод, ки устувории минтақа- ин устувории ҷаҳон аст. Аз ин лиҳоз, ҷомеаи ҷаҳонӣ набояд нисбат ба вазъи кунунии ин давлат ва шаҳрвандони он бетарафӣ зоҳир намояд.

Мавсуф аз амалҳои ғайриинсонии гурӯҳи террористии «Толибон» ёдовар шуда, дар бораи машаққати мардуми афғон, алалхусус, беҳуқуқии бонувону духтарони он ҳарф зад. Ӯ кумак ба сокинони Афғонистонро дар мубориза бо ин ҷоҳилон зарурию саривақтӣ шуморида, гуфт, ки баргузории анҷумани мазкур дар ин самт низ нақши бориз хоҳад гузошт.

Ҳукумати Ҷумҳурии Тоҷикистон аввалин шуда, мавқеи худро нисбат ба вазъи Афғонистон ва ҳукумати толибон муайян намуд. Президенти Тоҷикистон муҳтарам Эмомалӣ Раҳмон дар чандин чорабиниҳои байналмилалӣ ва музокироти сатҳи олӣ, махсусан дар ҷаласаи навбатии Шӯрои Сарони давлатҳои аъзои Созмони ҳамкории Шанхай, ки бахшида ба 20-солагии ташкилоти мазкур 14-15 сентябр дар Тоҷикистон доир гардид, андешаҳояшонро дар мавриди қазияи Афғонистони баён карда, аз ҷомеаи ҷаҳонӣ хостанд, то дар ҳалли қазияи Афғонистон кумак намоянд.

 АКСҲО аз Академияи идоракунии давлатии назди Президенти ҶТ

Октябрь 18, 2021 10:33

Хабарҳои дигари ин бахш

«ПРЕЗИДЕНТ – ҲОМИИ МИЛЛАТ». Таҳти чунин унвон дар Китобхонаи миллии Тоҷикистон ҳамоиш доир шуд
Аз номи Сергей Лебедев барои дар сатҳи баланд баргузор намудани Анҷумани VI омӯзгорон ва кормандони маорифи кишварҳои ИДМ дар Душанбе номаи сипос расид
ХАБАРИ ХУШ! Номинаҳои 2500-солагии шаҳраки қадимаи Тахти Сангин ва 1050-солагии Абурайҳони Берунӣ ба Феҳристи ҷашнвораҳои ЮНЕСКО барои солҳои 2022-2023 шомил гардиданд
ТАСС: Вазорати маориф ва илми Тоҷикистон ба Русия пешниҳод намудааст, ки китобҳои дарсии забони русиро ба мактабҳо мутобиқ созад
«Пешвои миллат ва таҳкими нуфузи байналмилалии Тоҷикистон», — шарҳи матбуоти даврии Тоҷикистон
ЁДГОРИИ МЕЪМОРИИ МАНСУБ БА ДАВРАИ АНТИҚА. Бостоншиносони Тоҷикистон ва Фаронса аз пойсутун ва ҷузъи сутуни деҳаи Пушинги Данғара дидан намуданд
Гулчеҳра Қоҳирова: Астероиди 4660 Nereus барои Замин ягон хатар надорад
РУСИЯ ҚОИДАҲОИ НАВИ ИМЛОИ ЗАБОНИ РУСИРО ТАҲИЯ НАМУД. Қаблан ба қоидаҳои имлои забони тоҷикӣ низ тағйирот ворид шуда буд
Мактаб-интернати ҷумҳуриявии кӯдакони ятим дар шаҳри Кӯлоб ба давраи зимистон омода мебошад
Рустам Ҷабборов барои таҳия ва эҷоди филмномаи «Ҷомӣ ва Навоӣ» ба Душанбе омад
39 хонандаи шаҳри Душанбе дар Олимпиадаи байналмилалии Анталия соҳиби ҷойҳои ифтихорӣ шуданд
Китоби «Пешвои миллат ва сиёсати давлатии забон» ба нашр расид