Пешвои миллат Эмомалӣ Раҳмон бинои шуъбаи дар ноҳияи Фархор будаи Раёсати Кумитаи давлатии амнияти миллӣ дар вилояти Хатлонро ифтитоҳ намуданд

Октябрь 2, 2021 10:50

ДУШАНБЕ, 02.10.2021 /АМИТ «Ховар»/. 2 октябр дар идомаи сафари корӣ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои шуъбаи дар ноҳияи Фархор будаи Раёсати Кумитаи давлатии амнияти миллӣ дар вилояти Хатлонро мавриди баҳрабардорӣ қарор дода, бо шароиту имконияти кории он шинос шуданд.

Иншооти мазкур дар деҳоти Фархор ҷойгир буда, бо назардошти талаботи кории мақомот дар зарфи як сол бунёд гардид.

Барои фаъолияти кормандони шуъба утоқҳои барҳавою замонавӣ бунёд гардида, ҳамчунин дар дохили бино тамоми имконоти зарурӣ фароҳам оварда шудааст.

Бинои шуъбаи дар ноҳияи Фархор будаи Раёсати Кумитаи давлатии амнияти миллӣ дар вилояти Хатлон бо санъати баланди меъморӣ бунёд гардида, ифтитоҳи иншооти мазкур имконият медиҳад, ки кормандони ниҳоди мазкур мувофиқи талаботи оинномавӣ сатҳу сифати корро боз ҳам баландтар бардоранд ва дар пойдории амнияту осудагии Тоҷикистони соҳибистиқлол саҳми бештар гузоранд.

Ҳудуди иншооти нав пурра сафолакпӯш гардида, саҳни он бо гулҳои ороишиву дарахтони мевадиҳанда зебу оро ёфтааст. Барои машқу тамрини кормандони шуъба имконияти зарурӣ фароҳам буда, бо истифода аз майдони назди бино ба футболу волейбол машғул гарданд.

Зимни боздид Сарвари давлат муҳтарам Эмомалӣ Раҳмон кормандони шуъбаро вазифадор намуданд, ки бо донишу малакаи касбии худ ҳамеша дар сафи пеши мубориза ба қонуншиканиву ҷинояткорӣ бошанд.

Октябрь 2, 2021 10:50

Хабарҳои дигари ин бахш

Президенти Тоҷикистон Эмомалӣ Раҳмон бори ҳафтум ба рӯйхати мусулмонони бонуфузтарини олам шомил шуданд
Президенти Ҷумҳурии Тоҷикистон Эмомалӣ Раҳмон дар Ҷаласаи Шӯрои сарони давлатҳои аъзои Иттиҳоди Давлатҳои Мустақил иштирок намуданд
Президенти Тоҷикистон Эмомалӣ Раҳмон дар ҷаласаи Шӯрои сарони давлатҳои узви ИДМ дар шакли видеоконфронс иштирок мекунанд
ПАЁМИ ШОДБОШИИ Президенти Ҷумҳурии Тоҷикистон, Пешвои миллат Эмомалӣ Раҳмон ба муносибати ҷашни Меҳргон
Суханронии Президенти Ҷумҳурии Тоҷикистон Эмомалӣ Раҳмон дар маросими ифтитоҳи Рӯзи фарҳанги Тоҷикистон дар ЮНЕСКО
Пешвои миллат Эмомалӣ Раҳмон дар маросими ифтитоҳи Рӯзи фарҳанги Тоҷикистон дар ЮНЕСКО иштирок намуданд
Президенти Ҷумҳурии Тоҷикистон Эмомалӣ Раҳмон бо Мудири кулли ЮНЕСКО хонум Одрӣ Азуле мулоқот намуданд
Президенти Ҷумҳурии Тоҷикистон Эмомалӣ Раҳмон бо Раиси Сенати Фаронса Жерар Ларше мулоқот намуданд
Пешвои миллат Эмомалӣ Раҳмон дар маросими ифтитоҳи Намоиши нигораҳои Тоҷикистон таҳти унвони «Тоҷикистон — кишвари дарёҳои тиллоӣ» дар Осорхонаи Гимейи Ҷумҳурии Фаронса иштирок намуданд
Суханронии Президенти Ҷумҳурии Тоҷикистон Эмомалӣ Раҳмон дар назди намояндагони воситаҳои ахбори омма пеш аз мулоқот бо Президенти Ҷумҳурии Фаронса Эммануэл Макрон
Мулоқоту музокироти сатҳи олии Тоҷикистону Фаронса
Маросими истиқболи расмии Президенти Ҷумҳурии Тоҷикистон Эмомалӣ Раҳмон дар Маҷмааи Артиши миллии Фаронса