Пешвои миллат Эмомалӣ Раҳмон Парчами давлатиро дар боғи фарҳангию фароғатии ноҳияи Фархор мавриди баҳрабардорӣ қарор доданд

Октябрь 2, 2021 09:30

ДУШАНБЕ, 02.10.2021 /АМИТ «Ховар»/. 2 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ ба ноҳияи Фархор дар Боғи фарҳангию фароғатии ноҳия яке аз рамзҳои давлатдорӣ — Парчами давлатиро мавриди баҳрабардорӣ қарор доданд.

Парчами давлатӣ дар масоҳати 20 садяк бо баландии 33 метр аз ҷониби Ҷамъияти дорои масъулияти маҳдуди “ЕврАзия” бунёд гардида, андозаи матои он 8 ба 14 метрро ташкил медиҳад. Атрофи иншоот бо гулу ниҳолҳои ҳамешасабзу орошӣ зебо гардонида шуда, ҳамчунин роҳрав ва сутунпояи он бо сангҳои ороишӣ зиннат дода шудааст.

Зимни боздид Президенти мамлакат аз сифати корҳои бунёдӣ ва ташаббуси соҳибкорон изҳори қаноатмандӣ карда, қомат афрохтани Парчами давлатиро дар маркази ноҳия барои баланд бардоштани ҳисси ватандӯстии ҷавонону наврасон нек маънидод намуданд.

Қобили зикр аст, ки дар баробари бунёди Прачами давлатӣ ҳамчунин бахшида ба 30-юмин солгарди Истиқлолияти давлатӣ Боғи фарҳангӣ — фароғатии ноҳия, ки дар майдони 1 гектар доман паҳн кардааст, навсозӣ гардида, дар он барои истироҳати мардум шароити мусоид фароҳам оварда шудааст. Баъди қомат афрохтани Парчами давлатӣ намои зоҳирии боғ низ куллан дигаргун гашта, ба макони асосии гаштугузори мардум табдил ёфтааст.

Барои гузаронидани чорабиниҳои фарҳангӣ — фароғатӣ дар майдони назди Парчам имконоти мусоид фароҳам оварда шудааст.

Мардуми бофарҳангу шукргузори ноҳияи Фархор аз ин дастгирии Президенти мамлакат муҳтарам Эмомалӣ Раҳмон изҳори сипосу миннатдорӣ намуданд.

Октябрь 2, 2021 09:30

Хабарҳои дигари ин бахш

Президенти Тоҷикистон Эмомалӣ Раҳмон бори ҳафтум ба рӯйхати мусулмонони бонуфузтарини олам шомил шуданд
Президенти Ҷумҳурии Тоҷикистон Эмомалӣ Раҳмон дар Ҷаласаи Шӯрои сарони давлатҳои аъзои Иттиҳоди Давлатҳои Мустақил иштирок намуданд
Президенти Тоҷикистон Эмомалӣ Раҳмон дар ҷаласаи Шӯрои сарони давлатҳои узви ИДМ дар шакли видеоконфронс иштирок мекунанд
ПАЁМИ ШОДБОШИИ Президенти Ҷумҳурии Тоҷикистон, Пешвои миллат Эмомалӣ Раҳмон ба муносибати ҷашни Меҳргон
Суханронии Президенти Ҷумҳурии Тоҷикистон Эмомалӣ Раҳмон дар маросими ифтитоҳи Рӯзи фарҳанги Тоҷикистон дар ЮНЕСКО
Пешвои миллат Эмомалӣ Раҳмон дар маросими ифтитоҳи Рӯзи фарҳанги Тоҷикистон дар ЮНЕСКО иштирок намуданд
Президенти Ҷумҳурии Тоҷикистон Эмомалӣ Раҳмон бо Мудири кулли ЮНЕСКО хонум Одрӣ Азуле мулоқот намуданд
Президенти Ҷумҳурии Тоҷикистон Эмомалӣ Раҳмон бо Раиси Сенати Фаронса Жерар Ларше мулоқот намуданд
Пешвои миллат Эмомалӣ Раҳмон дар маросими ифтитоҳи Намоиши нигораҳои Тоҷикистон таҳти унвони «Тоҷикистон — кишвари дарёҳои тиллоӣ» дар Осорхонаи Гимейи Ҷумҳурии Фаронса иштирок намуданд
Суханронии Президенти Ҷумҳурии Тоҷикистон Эмомалӣ Раҳмон дар назди намояндагони воситаҳои ахбори омма пеш аз мулоқот бо Президенти Ҷумҳурии Фаронса Эммануэл Макрон
Мулоқоту музокироти сатҳи олии Тоҷикистону Фаронса
Маросими истиқболи расмии Президенти Ҷумҳурии Тоҷикистон Эмомалӣ Раҳмон дар Маҷмааи Артиши миллии Фаронса