Раиси шаҳри Душанбе омӯзгорони фаъоли пойтахтро қадрдонӣ намуданд

Октябрь 2, 2021 09:19

ДУШАНБЕ, 2.10.2021. /АМИТ «Ховар»/. Бо қарори Раиси шаҳри Душанбе Рустами Эмомалӣ бахшида ба таҷлили Рӯзи омӯзгор барои ҳар муаллими фаъоле, ки шогирдонаш дар олимпиадаҳои ҷумҳуриявӣ ҷойҳои намоёнро сазовор гардидаанд, ба сифати мукофот  3000 сомонӣ ҷудо гардид, иттилоъ доданд аз шуъбаи иттилоотии дастгоҳи Раиси шаҳри Душанбе ба АМИТ «Ховар».

Тибқи қарори мазкур, рӯйхати омӯзгороне, ки шогирдонашон дар олимпиадаҳои фаннии сатҳи ҷумҳуриявӣ ғолиб гардидаанд, тасдиқ гардида, дар маҷмӯъ 237 ҳазор сомонӣ аз ҳисоби маблағҳои ба соҳаи маориф пешбинигардида ҷудо гардидааст.

Бояд зикр намуд, ки ин иқдом бо мақсади дастгирию ҳавасмандгардонии моддию  маънавии омӯзгороне, ки дар тарбияи шогирдон  натиҷаҳои назаррас нишон   доданд, инчунин тарғиби таҷрибаи босамари онҳо ва ба ин васила  баланд бардоштани мақоми  онҳо дар ҷомеа роҳандозӣ мегардад.

Мақомоти иҷроияи ҳокимияти давлатии шаҳри Душанбе дар баробари  бунёди муассисаҳои муосири таълимӣ ҷиҳати дастгирӣ ва баланд бардоштани  неруи зеҳнии омӯзгорон низ  чораҳои зарурӣ  амалӣ менамояд.  Аз ҷумла, бо қарори Раиси шаҳри Душанбе  Рустами Эмомалӣ «Барномаи давлатии рушди системаи такмили ихтисос ва бозомӯзии касбии кормандони соҳаи маорифи шаҳри Душанбе барои солҳои 2019-2022» тасдиқ гардидааст. Низоми  такмили ихтисос ва бозомӯзии касбии кормандони соҳаи маориф яке аз қисматҳои муҳимтарини системаи таҳсилот буда, дар баланд бардоштани сифати он  ва инкишофи неруи зеҳнии омӯзгор нақши муайянкунанда дорад.

Тибқи нақшаи чорабиниҳои барномаи зикршуда, дар ин давра баргузор намудани мизҳои мудаввар вобаста ба мақсад, вазифаҳо ва дурнамои рушди такмили ихтисос ва бозомӯзӣ, машғулияти  омӯзишӣ аз фанҳои забони русӣ ва забони хориҷӣ, инчунин ташкили чунин ҷамъомадҳо оид ба усулҳои истифодаи технологияи нави иттилоотию таълимӣ барои омӯзгорони муассисаҳои таҳсилоти миёнаи умумии шаҳри Душанбе дар назар дошта шудааст.

АКС аз бойгонии АМИТ «Ховар»

Октябрь 2, 2021 09:19

Хабарҳои дигари ин бахш

Дар Душанбе имрӯз расман мавсими нави гармидиҳӣ оғоз гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе ин иди бостонӣ ва миллии мо бо шукӯҳу шаҳомати хосса таҷлил гардид
МЕҲРГОН — ҶАШНИ ТИРАМОҲИИ СОЛ. Пагоҳ дар Душанбе иди ҳосилот ва кишоварзон таҷлил мегардад
Дар асоси хулосаи шуъбаи Хадамоти зиддиинҳисорӣ ҳаққи роҳкиро дар шабакаи хатсайрҳои шаҳри Душанбе тағйир меёбад
Рустами Эмомалӣ: Татбиқи босамари ислоҳоти иқтисодӣ имкон дод, ки иқтисодиёти Тоҷикистон муназзам рушд намояд
Дар ноҳияи Сино бо мақсади тарғиби ҳаёти солим майдончаи варзишӣ ба истифода дода шуд
Дар Душанбе мусобиқаи «Пӯшидашавии мавсими мототсиклронӣ-2021» баргузор мешавад
«ДУШАНБЕ — ШАҲРИ ГУЛРЕЗ» . Таҳти ин ном дар пойтахт озмуни гулҳо доир мегардад
ДУШАНБЕРО БА ШАҲРИ ГУЛРЕЗ ТАБДИЛ МЕДИҲЕМ! Муроҷиатномаи Раиси шаҳри Душанбе ба сокинони пойтахт
«МЕҲРГОН ОМАД, АЗИЗОН, МЕҲРУБОНИҲО КУНЕД…». 17 октябр дар Душанбе Иди Меҳргон бо шукуҳи хосса таҷлил мегардад
Дар Душанбе беҳтарин лоиҳаҳои меъморӣ ва шаҳрсозии давлатҳои ИДМ намоиш дода мешаванд
Дар шаҳри Душанбе Рӯзи забони давлатӣ ботантана таҷлил гардид