Ба муносибати таҷлили Рӯзи милитсия дар Душанбе мусобиқаи футболи хурд ҷамъбаст гардид
ДУШАНБЕ, 09.11.2021 /АМИТ «Ховар»/. Ба шарафи иди касбии кормандони мақомоти корҳои дохилӣ — Рӯзи милитсия бо ташаббуси Раёсати Вазорати корҳои дохилӣ дар шаҳри Душанбе шурӯъ аз 1 ноябр миёни кормандони милитсияи пойтахт мусобиқаи кушоди даставӣ оид ба футболи хурд сурат гирифт, ки 8 ноябр ҷамъбаст гардид, хабар медиҳад АМИТ «Ховар» бо истинод ба Раёсати ВКД дар шаҳри Душанбе.
Дар мусобиқаи футболи хурд дастаҳои ШВКД дар ноҳияи И. Сомонӣ сазовори ҷойи якум, ШВКД-2 дар ноҳияи Фирдавсӣ мақоми дуюм ва ШВКД-1 дар ноҳияи Фирдавсӣ мавқеи сеюмро ишғол намуданд, ки ғолибон бо Ҷом, диплом ва медалу ифтихорномаҳо қадрдонӣ карда шуданд.
Мусобиқаҳои футболи хурд миёни кормандони дастгоҳи марказии Раёсат, шуъбаҳои корҳои дохилӣ ва ҷузъу томҳои мақомоти милитсияи пойтахт дар ҳайати 10 даста баргузор гардида, варзишгарон маҳорати баланди варзишӣ нишон доданд.
Дар ҷараёни мусобиқаҳои варзишӣ дастаҳо аз худ маҳорати баланди варзишӣ нишон дода, ҳар кадоме барои ишғол намудани ҷойҳои намоён рақобат намуданд.
Дар маросими ботантанаи ҷоизасупорӣ масъулини Шӯрои ҷумҳуриявии «Динамо»-и ВКД, роҳбарияти Раёсати ВКД дар шаҳри
Душанбе ва шумораи зиёди ҳаводорону ихлосмандони соҳаи варзиш иштирок намуданд.
АКС: РВКД дар шаҳри Душанбе
Имрӯз дар ноҳияҳои доманакӯҳӣ Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
