Бо иқдоми неки оилаи Давлатовҳо, ки аъзои фаъоли ҲХДТ мебошанд, дар деҳоти Сангтӯдаи Данғара мактаб бунёд гардид

Ноябрь 17, 2021 16:43

ДУШАНБЕ, 17.11.2021 /АМИТ  «Ховар»/. Дар назди муассисаи таҳсилоти миёнаи умумии №9-и ҷамоати деҳоти Сангтӯдаи ноҳияи Данғара иншооти замонавии таълимӣ,  муҷаҳҳаз бо ҳама асбобу ашёи дарсӣ ба истифода дода шуд, ки дар маросими кушодашавии ин даргоҳи илму маърифат роҳбарияти мақомоти иҷроияи ҳокимияти давлатии ноҳияи Данғара, масъулону фаъолони ҲХДТ, омӯзгорону толибилмони деҳоти мазкур иштирок доштанд, хабар доданд аз шуъбаи иттилоот ва матбуоти КИ ҲХДТ дар вилояти Хатлон ба АМИТ «Ховар».

Бино ба маълумоти сарвари МТМУ №9 Розиямоҳ Ғафурова, бинои навбунёди иборат аз 15 синфхона бо   кӯшишу талош ва иқдомҳои накӯкоронаи хонаводаи Давлатовҳо, ки аъзои фаъоли Ҳизби Халқии Демократии Тоҷикистон мебошанд, бунёд гардидааст. Ин бинои хуштарҳу ҷавобгӯ ба меъёрҳои муосири меъморӣ аз 10 синфхона барои хонандагони синфҳои ибтидоӣ, утоқҳои кории муовини сарвари муассиса, ҳуҷраи омӯзгорон, як толори осорхона ва ҳуҷраи корӣ барои ташкилоти ибтидоии ҳизбии кормандону омӯзгорони МТМУ №9   иборат мебошад.

Сокинони деҳоти Сангтӯда  мавриди баҳрабардорӣ қарор гирифтани ин иншооти таълимиро беҳтарин иншооти ҷашнӣ бахшида ба 30-солагии Истиқлолияти давлатӣ арзёбӣ намуданд.

Тавре зимни маросими кушодашавии иншооти таълимӣ зикр гардид, нақши пешоҳангии фаъолони ҲХДТ дар самти татбиқи ҳадафҳои созандагии роҳбарияти олии мамлакат ҳар сокини кишварро водор менамояд, ки дар пайравӣ ба ташаббусҳои ватандӯстонаи ҳамдиёрони хеш саҳми худро дар ободонии диёр гузоранд.

Кумитаи иҷроияи ҲХДТ дар вилояти Хатлон бо  сипосгузорӣ аз ташаббусҳои саховатмандонаи ҳамсафони хеш миннатдории худро барои ин ҳамдастӣ ва саҳмгузорӣ дар амалисозии ҳадафҳои созанда ва хайрхоҳонаи Ҳизби Халқии Демократии Тоҷикистон баён дошта, аз насли ҷавон даъват ба амал меорад, ки бо таҳсили аъло ва аз худ кардани илму дониши замонавӣ беҳтарин мутахассис, кордону коршиносони замони хеш бошанд. «Мо мутмаинем, ки дастпарварони ин муассисаи таълимӣ дар оянда ин иқдомҳои шоистаи бунёдкорию созандагиҳои аҷдодони хешро идома бахшида, вориси халқу миллати тоҷик мегарданд», — изҳор дошт раиси Кумитаи иҷроияи Ҳизби Халқии Демократии Тоҷикистон дар вилояти Хатлон Қиёмиддин Миралиён.

              АКСҲО: КИ ХХДТ 

Ноябрь 17, 2021 16:43

Хабарҳои дигари ин бахш

Бахшида ба Соли нав ба ниёзмандони ноҳияи Шуғнон кумак расониданд
КИ ҲХДТ дар Хатлон ба кӯдакони имконияташон маҳдуд туҳфаҳои идона тақдим намуд
ОБУ ҲАВО: Имрӯз дар шаҳри Душанбе ҳаво 8+10 дараҷа гарм мешавад
Ба ниёзмандони ноҳияи Ёвон 33 аробаи маъюбӣ тақдим гардида, ба ятимон туҳфаҳои Президенти Тоҷикистон расонида шуданд
Дар арафаи Соли нав ба оилаҳои ниёзманд, маъюбон ва беморони ноҳияи Фирдавсӣ кумак расонида шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Дар арафаи Соли нав дар ноҳияи Фирдавсӣ ташкилоти ибтидоии ҲХДТ бо номи «Ватандор» таъсис ёфт
Туҳфаҳои идонаи Пешвои миллат ба 36 нафар хонандагони Мактаб-интернати ноҳияи Лахш тақдим гардиданд
Дар шаҳрҳои Хуҷанд, Истиқлол, Бӯстон ва Гулистони вилояти Суғд ярмарка-фурӯши маҳсулоти кишоварзӣ оғоз гардид
Ба Маркази вилоятии ҳимояи аҳолӣ аз бемории сили №2 ва Маркази вилоятии равонпизишкии шаҳри Кӯлоб кумак расонида шуд
Оилаи соҳибкорон Сатторовҳо ба хонандагони ятиму маъюб ва ниёзманди Литсейи касбӣ-техникии Ҳисор кумак намуданд
Ба Маркази дастгирии оила ва кӯдаки №2 таҷҳизоти маишӣ тақдим гардид