Чемпионати Осиё оид ба велосипедронӣ-2022 дар Душанбе доир мешавад
ДУШАНБЕ, 30.11.2021 /АМИТ «Ховар»/. Чемпионати Осиё оид ба велосипедронӣ-2022 дар шаҳри Душанбе доир мешавад, хабар медиҳад АМИТ «Ховар» бо истинод ба Кумитаи миллии олимпии Тоҷикистон.
«Ҳайати баландпояи Конфедератсияи велосипедронии Осиё таҳти роҳбарии президенти Конфедератсияи велосипедронии Осиё Шайх Осама Аҳмад Ал-Шафар 27 ноябр ба Тоҷикистон барои муайян кардани ҷой ва шарту шароити баргузории аввалин Чемпионати Осиё оид ба велосипедронӣ сафари корӣ анҷом доданд», — иттилоъ доданд дар КМО Тоҷикистон.
Ёдовар мешавем, ки масъалаи баргузор кардани Чемпионати Осиё оид ба велосипедронӣ дар соли 2022 дар шаҳри Душанбе моҳи июни соли равон дар мулоқоти Раиси шаҳри Душанбе муҳтарам Рустами Эмомалӣ ва президенти Конфедератсияи велосипедронии Осиё Осама Аҳмад Ал-Шафар мувофиқа шуда буд.
Дар робита ба баргузор кардани Чемпионати Осиё оид ба велосипедронӣ дар шоҳроҳ аз 25 то 28 марти соли 2022 дар шаҳри Душанбе миёни Конфедератсияи велосипедронии Осиё ва Федератсияи велосипедронии Тоҷикистон шартнома ба имзо расид.
Велосипедронӣ дар шоҳроҳ дар масофаи аз 150 то 240 километр ва велосипедронӣ миёни варзишгарони имконияташон маҳдуд дар масофаи 22 километр сурат мегирад. Макони баргузорӣ пас аз хулосаи ҳайати комиссияи техникӣ эълон карда мешавад.
Президенти Конфедератсияи велосипедронии Осиё Шайх Осама Аҳмад Ал-Шафар ва ҳайати ҳамроҳонаш ҳамчунин ба Кумитаи миллии олимпии Тоҷикистон ташриф оварда, аз Осорхонаи «Шарафи олимпӣ» дидан карданд.
АКСҲО: КМО Тоҷикистон
Рушди варзиш ва инфрасохтори муосир муҳимтарин самт дар сиёсати Ҳукумати Тоҷикистон мебошад
Эмомалӣ Раҳмон: «Рӯзи ҷаҳонии футбол боз як нишонаи нақши фаъол ва обрӯи афзояндаи Тоҷикистон дар арсаи ҷаҳонӣ мебошад»
ИМРӮЗ — РӮЗИ ҶАҲОНИИ ФУТБОЛ. Ташаббуси Президенти Федератсияи футболи Тоҷикистон Рустами Эмомалӣ миллиардҳо нафарро дар саросари дунё муттаҳид менамояд
РӮЗИ ҶАҲОНИИ ФУТБОЛ. Пагоҳ дар Душанбе Фестивали футбол барои кӯдакон баргузор мегардад
РУШДИ ФУТБОЛИ МИЛЛӢ. Барои расидан ба ин ҳадаф тадбирҳои муҳим андешида мешаванд
Мусобиқаи ҷумҳуриявии футболи хурд барои дарёфти «Ҷоми Ҳизби Халқии Демократии Тоҷикистон» баргузор шуд
Дар Хатлон ба муносибати Рӯзи ҷаҳонии футбол фестивали бозиҳои варзишӣ доир шуд
РӮЗИ ҶАҲОНИИ ФУТБОЛ. Бозии нахустини Лигаи футболи Вилояти Мухтори Кӯҳистони Бадахшон доир шуд
Дастаи «Соро компания» чемпиони панҷкаратаи Тоҷикистон оид ба футзал шуд
Дар қароргоҳи ЮНИСЕФ бахшида ба Рӯзи ҷаҳонии футбол чорабинии байналмилалӣ баргузор шуд
Дар Душанбе байни муассисаҳои таҳсилоти ибтидоӣ ва миёнаи касбӣ даври ниҳоии футболи хурд оғоз ёфт
Рустами Эмомалӣ баъди иштирок дар таҷлили Рӯзи ҷаҳонии футбол аз шаҳри Ню-Йорк ба Ватан баргаштанд
