Дар Бохтар корҳои сохтмонии толори тобистона, гулгашти «Дуои модар» ва «Оташи абадӣ» ҷараён доранд
ДУШАНБЕ, 22.11.2021 /АМИТ «Ховар»/. Дар шаҳри Бохтари вилояти Хатлон тибқи лоиҳаи ангоравии бунёди толори тобистона, гулгашти «Дуои модар» ва «Оташи абадӣ» корҳои сохтмонӣ идома дошта, Раиси вилояти Хатлон Қурбон Ҳакимзода аз ҷараёни он дидан намуд, иттилоъ доданд аз шуъбаи иттилоотию таҳлилии дастгоҳи Раиси вилояти Хатлон ба АМИТ «Ховар».
Лоиҳаи мазкур дар доираи тадбирҳои созандагию бунёдкорӣ ҷиҳати ободу зебо гардонидани ҳар гӯшаи диёр ба нақша гирифта шуда, аз ҷониби Мақомоти иҷроияи ҳокимияти давлатии шаҳри Бохтар маблағгузорӣ мегардад. Иншооти мазкур дар ҳаҷми 0.60 гектар доман паҳн намуда, дар он гулгашти «Дуои модар» ва «Оташи абадӣ» сохта мешавад.
Раиси вилоят ба роҳбарияти шаҳри Бохтар ва масъулон ҷиҳати сари вақт анҷом додани корҳои сохтмонӣ дастуру супоришҳои мушаххас дода, иброз дошт, ки мавзеи мазкур бояд тарзе сохта шавад, ки диққатҷалбкунанда ва барои халқу миллат манфиатбахш бошад.
Сипас раиси вилоят аз заминҳои кишоварзӣ дар ҳудуди шаҳри Бохтар дидан намуда, бо ҷараёни кишт ва парвариши гулҳои гуногунранг шинос шуд.
Дар вилояти Хатлон захираву имконияти зарурӣ баҳри рушди соҳаи кишоварзӣ зиёд буда, баҳри истифодаи самараноки он бояд аз ҳама имконоти мавҷуда мақсаднок истифода кард. Интихоби дурусти тухмӣ омили фаровонҳосилӣ гардида, ба деҳқонон даромади бештар медиҳад. Аз ин рӯ марди деҳқон ҳангоми кишту кор ва парвариш бояд тамоми нозукиҳои кори кишоварзиро ба инобат гирифта, заминро самаранок истифода намояд.
Ҳамчунин раиси вилоят Қурбон Ҳакимзода зимни сафари корӣ дар шаҳри Бохтар аз сардхона дидан намуд. Айни ҳол дар сардхонаҳои шаҳри Бохтар меваҳои себ ва ангур нигоҳдорӣ гардида, дар назар аст, ки дигар навъҳои маҳсулот низ нигоҳдорӣ шаванд. Тарзи нигоҳдории маҳсулот дар сардхонаҳо бо усули замонавӣ ба роҳ монда шудааст. Раиси вилоят ба соҳибкорон ҷиҳати фарогирии бештари маҳсулот ва захираи кофӣ дастуру супоришҳои мушаххас дод.
АКСҲО аз шуъбаи иттилоотию таҳлилии дастгоҳи Раиси вилояти Хатлон
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Нақши занони тоҷик дар таҳкими давлатдории миллӣ назаррас аст
Дар остонаи ҷашни Истиқлоли давлатӣ ҳашари экологии «Тозагии соҳил» гузаронида шуд
Имрӯз дар водиҳои Тоҷикистон ҳаво то 39 дараҷа гарм мешавад
Дар Донишгоҳи миллии Тоҷикистон ҳамоиши ҷумҳуриявӣ баргузор шуд
Имрӯз аз нашри нахустин шумораи маҷаллаи «Бонувони Тоҷикистон» 19 сол сипарӣ гардид
ИСТИҚЛОЛИ ДАВЛАТӢ — ВОСИТАИ МУАССИРИ ЭЪТИРОФ. Барои ҳар шахси озодихоҳ неъмате муқаддастар аз он нест
Имрӯз дар ноҳияҳои алоҳидаи Тоҷикистон чангу ғубор ба амал меояд
Бахшида ба Истиқлоли Тоҷикистон ҳамоиши кормандони соҳаи таҳсилоти ибтидоӣ ва миёнаи касбӣ доир шуд
ТАНТАНАҲОИ ҶАШНИ ИСТИҚЛОЛИЯТ. Дар шаҳру ноҳияҳои мамлакат барномаҳои фарҳангӣ доир мегарданд
«МегаФон Life» – доимо дар алоқа, ҳатто вақте ки паёмрасонҳои муқаррарӣ дастнорасанд
Имрӯз дар шаҳри Душанбе ҳаво то 36 дараҷа гарм мешавад
