Дар Душанбе доир ба масъалаи солимии модар ва кӯдак конференсияи илмӣ-амалӣ баргузор шуд
ДУШАНБЕ, 12.11.2021 /АМИТ «Ховар»/. 11 ноябр дар Пажӯҳишгоҳи илмӣ-таҳқиқотии акушерӣ, гинекологӣ ва перинталогии Тоҷикистон дар мавзӯи «Масъалаҳои мубрами муҳофизати солимии модар ва кӯдак: коронавирус ва солимии репродуктивии занон» конференсияи илмӣ-амалӣ баргузор гардид. Дар конференсияи мазкур муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода, роҳбарият ва кормандони пажӯҳишгоҳ, роҳбарони якчанд таваллудхонаҳои шаҳри Душанбе ва мутахассисони соҳа иштирок намуданд, иттилоъ доданд аз Вазорати тандурустӣ ва ҳифзи иҷтимоии аҳолии мамлакат ба АМИТ «Ховар».
Муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода аз таваҷҷуҳ ва дастгириҳои Ҳукумати мамлакат дар самти беҳтар намудани хизматрасонии тиббӣ ба модарон ва кӯдакон ёдовар шуда, зикр намуд, ки баҳри таъмини солимии модарон ва кӯдакон солҳои охир дар кишвар корҳои муҳиму назаррас ба анҷом расонида шудаанд.
Директори Пажӯҳишгоҳи илмӣ-таҳқиқотии акушерӣ, гинекологӣ ва перинталогии Тоҷикистон Гулҷаҳон Давлатзода иброз дошт, ки таъмини солимии модарону кӯдакон ҳадафи асосии роҳбарият ва кормандони Пажӯҳишгоҳ маҳсуб шуда, ҷиҳати иҷрои ин вазифаи пурмасъулият тамоми шароит ва имконоти мусоид фароҳам оварда шудааст.
Ҳамчунин зикр шуд, ки новобаста аз пайдоиши пандемияи COVID-19 дар Ҷумҳурии Тоҷикистон хизматрасонии тиббӣ ба модарону кӯдакон хуб ба роҳ монда шуда, дар ин самт тадбирҳои муҳиму саривақтӣ андешида мешаванд.
Дар идомаи ҳамоиш як зумра мутахассисон доир ба паҳлуҳои гуногуни соҳа сухан гуфтанд.
АКСҲО аз Вазорати тандурустӣ ва ҳифзи иҷтимоии аҳолии ҶТ
«САҲМИ ЗАНОН ДАР РУШДИ ИЛМ». Дар Душанбе конференсияи байналмилалии илмӣ-амалӣ баргузор шуд
Касбомӯзӣ метавонад яке аз роҳҳои муассири пешгирии гаравиши наврасону ҷавонон ба гурӯҳҳои ифротгаро бошад
Табибони тоҷик боз як усули нави ҷарроҳиро амалӣ намуданд
Маърузаи навбатии Ваколатдор оид ба ҳуқуқи инсон ба Президенти Тоҷикистон пешниҳод гардид
Дар ноҳияи Шамсиддини Шоҳин ба муносибати таъсиси Қувваҳои Мусаллаҳи Тоҷикистон ҳамоиш доир шуд
Дар партави ҳидоятҳои Президенти Тоҷикистон ба оилаҳои ниёзманд дар шаҳри Душанбе кумак расонида шуд
Дар мақомоти Ваколатдор оид ба ҳуқуқи инсон бахшида ба Рӯзи Қувваҳои Мусаллаҳи Тоҷикистон конфронс доир шуд
Дар Агентии суғуртаи иҷтимоӣ ва нафақа Рӯзи Қувваҳои Мусаллаҳи Тоҷикистонро таҷлил намуданд
Бахшида ба таъсиси Қувваҳои Мусаллаҳи Тоҷикистон дар Кумита оид ба таҳсилоти ибтидоӣ ва миёнаи касбӣ ҳамоиши тантанавӣ баргузор шуд
Риояи қонуни танзими ҷашну маросим омили сарфакорӣ ва таҳкими маърифати ҳуқуқии шаҳрвандон мебошад
Дар ноҳияи Ёвон намоиши ҷойи нави кор баргузор гардид
Масъалаи рушди низоми таҳсилоти ибтидоӣ ва миёнаи касбӣ дар Тоҷикистон бо Роҳбари Намояндагии Иттиҳоди Аврупо баррасӣ гардид
