Дар Душанбе доир ба нақши Конститутсия дар таъмини таҳаммулпазирии динӣ конфронси ҷумҳуриявӣ доир гардид

ДУШАНБЕ, 04.11.2021. /АМИТ «Ховар»/. Меъёрҳои алоҳидаи Конститутсияи Ҷумҳурии Тоҷикистон таъмини пурраи ҳуқуқу озодиҳои эътиқодии шаҳрвандонро новобаста аз пайравӣ ба боварҳои гуногун фарогир мебошад ва маҳз ҳамин меъёрҳо боиси таъмини фазои муътадили динӣ дар ҷомеаи Тоҷикистон гардидаанд. Ин нуктаро Раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Сулаймон Давлатзода имрӯз зимни конфронси ҷумҳуриявӣ таҳти унвони «Конститутсия – кафили таъмини таҳаммулпазирии динӣ ва рушди давлатдории миллӣ» изҳор дошт.

С. Давлатзода дар конфронс перомуни нақши Конститутсия дар татбиқи ҳуқуқу озодиҳои фитрии инсон ва шаҳрванд ибрози андеша намуд.

Конфронси мазкур ба муносибати Рӯзи Конститутсияи Ҷумҳурии Тоҷикистон бо ибтикори  Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон ва Маркази исломшиносӣ дар назди Президенти Ҷумҳурии Тоҷикистон сурат гирифт.

Дар кори он роҳбарияти Кумитаи дин, танзими анъана ва ҷашну маросим, Маркази исломшиносӣ, намояндагони Дастгоҳи иҷроияи Президенти ҶТ, Прокуратураи генералӣ, Вазорати адлия, Суди Олӣ, Академияи ВКД, Маркази исломӣ, Маркази исмоилия, Епархияи православии рус, Кумитаи рушди ҷамоатхонаҳои шиаи имомии исмоилӣ иштирок намуданд.

АКСҲО:  Кумитаи дин, танзими анъана ва ҷашну маросим