Дар Глазго бо ташаббус ва ҳамраисии Тоҷикистон дар ҳошияи Конфронси СОР26 чорабинии канории сатҳи баланд баргузор гардид
ДУШАНБЕ, 04.11.2021 /АМИТ «Ховар»/. 3 ноябр дар шаҳри Глазго дар ҳошияи Конфронси 26-уми тарафҳои Конвенсияи чаҳорчӯбаи Созмони Милали Муттаҳид оид ба тағйирёбии иқлим (СОР26) таҳти унвони «Мустаҳкам кардани иқтидори кишварҳои тараққикунандаи маҳсур дар хушкӣ дар раванди пешгирии пайомадҳои тағйирёбии иқлим ва мушкилоти марбут ба об дар давраи COVID-19: таҷриба ва роҳҳалҳо» бо ташаббус ва ҳамраисии Ҷумҳурии Тоҷикистон, СММ ва Агентии байналмилалӣ оид ба энергияи барқароршаванда (IRENA) чорабинии канории сатҳи баланд баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар ҳамоиш муовини Дабири кулли СММ, Намояндаи олии СММ оид ба Гурӯҳи кишварҳои тараққикунандаи маҳсур дар хушкӣ Куртенай Раттрай, муовини Дабири кулли СММ, Роҳбари Департаменти СММ оид ба масъалаҳои иқтисодӣ ва иҷтимоӣ (DESA) Лю Женмин, Вазири муҳити зист, иқлим, сайёҳӣ ва саноати меҳмондории Зимбабве Мангалисо Ндлову ва Директори кулли IRENA Франсеско Ла Камера суханронӣ намуданд.
Муовини Вазири корҳои хориҷии Ҷумҳурии Тоҷикистон Музаффар Ҳусейнзода дар нишасти мазкур иштирок ва суханронӣ намуд. М.Ҳусейнзода роҷеъ ба таъсири оқибатҳои тағйирёбии иқлим ба муҳити зист, алалхусус обшавии босуръати пиряхҳо, коҳишёбии дастрасӣ ба оби тоза ва зарурати андешидани тадбирҳои саривақтӣ дар ин масъалаҳо сухан гуфт. Мавсуф аз шарикони байналмилалӣ даъват ба амал овард, то ба иқдомҳои муштараки ҳамоҳангшуда дар мавриди пешгирии таъсири оқибатҳои тағйирёбии иқлим, роҳандозии тадқиқот ва арзёбии фарогири пайомадҳои тағйирёбии иқлим ба кишварҳо ва мустаҳкам намудани зарфияти ниҳодҳову сохторҳои давлатҳои осебпазир мусоидат кунанд.
М. Ҳусейнзода дар мавриди нақши фаъоли Ҷумҳурии Тоҷикистон дар пешбурди Рӯзномаи ҷаҳонии об ва ташаббусҳои байналмилалии Тоҷикистон дар соҳаҳои обу ҳифзи пиряхҳо, инчунин моҳияти Даҳсолаи байналмилалии амал “Об барои рушди устувор, солҳои 2018-2028” маълумоти мавриди таваҷҷуҳ пешкаш намуд.
АКСҲО: ВКХ ҶТ
Бахшида ба Наврӯз дар Боку шоми фарҳангии «Chakan Fashion Show: мероси анъанаҳо давоми асрҳо» баргузор шуд
Изҳороти Вазорати корҳои хориҷии Ҷумҳурии Тоҷикистон бобати расидан ба оташбас дар Ховари Миёна
Ҳамкории Тоҷикистону Русия дар доираи созмонҳои байналмилалӣ баррасӣ гардид
Конфронси чоруми байналмилалии сатҳи баланд Тоҷикистонро ҳамчун давлати фаъол дар ҳалли масъалаҳои обу иқлим муаррифӣ менамояд
Сафири Тоҷикистон бо ёвари Котиби энергетикаи Иёлоти Муттаҳидаи Амрико мулоқот намуд
Дар Душанбе омодагӣ ба Саммити сарони давлатҳои «Осиёи Марказӣ-Ҷумҳурии Корея» баррасӣ гардид
Дар Миср Ҷашни байналмилалии Наврӯзро таҷлил намуданд
Дар шаҳри Анқара Ҷашни Наврӯзи байналмилалиро таҷлил намуданд
Ҳайати Тоҷикистон дар ҷаласаи ҳафтуми мақомоти ҳифзи муҳити зисти давлатҳои аъзои СҲШ дар Бишкек иштирок намуд
Дар Боку машваратҳои консулии Тоҷикистону Озарбойҷон баргузор шуданд
Сафири Тоҷикистон бо Вазири федералии адлияи Покистон мулоқот намуд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Ҳиндустон баргузор гардиданд
