Дар Хоруғ бо мақсади захира барои зимистон ярмарка-фурӯши маҳсулоти кишоварзӣ доир шуд

Ноябрь 16, 2021 10:50

ДУШАНБЕ, 16.11.2021 /АМИТ «Ховар»/. Дар маркази маъмурии Вилояти Мухтори Кӯҳистони Бадахшон — шаҳри Хоруғ бо мақсади ғанӣ гардонидани дастурхони бошандагони вилоят аз маҳсулоти мавриди ниёзи аввал ва захира барои фасли зимистон  ярмарка-фурӯши маҳсулоти кишоварзӣ баргузор шуд.

Дар ярмарка  зиёда аз 2 тонна гӯшт, 45 сар моли майда,  15 тонна картошка, 10 тонна сабзӣ  ва 5  тонна меваву сабзавоти тару тозаи хоҷагиҳои деҳқонии ноҳияҳои ВМКБ  бо  нархи муносиб  ба савдо гузошта шуд.

Муовини сардори Раёсати кишоварзии вилоят Раҷаббек Раҷаббеков гуфт, ки “кишоварзони ноҳияҳои Ванҷу Дарвоз имсол бори даҳум аст, ки дар ярмарка-фурӯши маҳсулоти кишоварзӣ ширкат мекунанд  ва  баъзе меваҷотеро, ба шумули анору анҷир, лимӯ, ки дар дигар ноҳияҳо парвариши он ғайриимкон аст, ба харидорон пешкаш мекунанд. Дар бозорҳои шаҳр ин намуди меваҷот мавҷуд аст, аммо бо сабаби баланд будани нарх на ҳама онро харида метавонанд. Дар ярмаркаи имрӯза нархи меваҳои субтропикӣ нисбат ба бозор 40-45 фоиз арзонтар аст”.

Кишоварзони ноҳияҳои Роштқалъа ва Мурғоб дар ярмарка қариб як тонна гӯшт, 300 тонна картошка, 200 кг сабзӣ ва намудҳои гуногуни сабзавоту меваҷотро ба фурӯш гузоштанд. Гӯштро ба харидорон бо нархи 40-45 сомонӣ фурӯхтанд, дар ҳоле ки дар бозор нархи он аз 55 сомонӣ зиёд аст.

Иҷрокунандаи вазифаи раиси вилоят Алишер Мирзонабот   зимни боздид аз ин ярмарка ба деҳқонону чорвопарварон барои ба фурӯш гузоштани маҳсулоти хушсифати арзон сипосгузорӣ карда, изҳор дошт, ки “мо минбаъд барои мустақиман ба дасти харидорон расидани маҳсулот дар бозор шароити мусоид фароҳам меоварем. Зеро яке аз иллатҳои боло рафтани нархи маҳсулоти кишоварзӣ- ин ба дасти дуюм ё худ миёнарав афтодани маҳсулот аст, ки дар натиҷа деҳқон ё чорводор фоидаи кам мегираду харидор зиёни бештар мебинад”.

Сокинони шаҳр аз ин пешниҳоди раиси вилоят бо қаноатмандӣ истиқбол гирифтанд.

            АКСҲО: АМИТ «Ховар»

Ноябрь 16, 2021 10:50

Хабарҳои дигари ин бахш

Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
Кишоварзони Кӯлоб аввалин маротиба зери плёнка чигит кишт намуданд
Имрӯз дар ноҳияҳои алоҳидаи Тоҷикистон чангу ғубор боқӣ мемонад
РУШДИ САЙЁҲӢ. Таърих, фарҳанг, табиат ва меҳмоннавозии мардум вилояти Суғд сайёҳонро бештар ба худ ҷалб намудааст
Дар истироҳатгоҳи омӯзишии «Истиқлол» таътили тобистонаи хонандагон хотирмон мегузарад
Дар ноҳияи Деваштич ҳамоиши гирандагони Стипендияи президентӣ баргузор гардид
Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
Дар Тоҷикистон Фестивали хӯрокҳои милллии Покистон баргузор мегардад
Имрӯз ҳаво дар шаҳри Душанбе то 35 дараҷа гарм мешавад
Дар Душанбе ба муносибати Истиқлолияти Амрико чорабинӣ баргузор шуд
Заминҳои назди бинои муассисаву идораҳои шаҳри Норак самаранок истифода мешаванд