Дар Тоҷикистон Қонун «Дар бораи паркҳои технологӣ» қабул мегардад
ДУШАНБЕ, 01.11.2021 /АМИТ «Ховар»/. Интизор меравад, ки дар оянда дар Тоҷикистон Қонуни Ҷумҳурии Тоҷикистон «Дар бораи паркҳои технологӣ» дар таҳрири нав бо дарназардошти таъсиси паркҳои технологияҳои иттилоотӣ (IT Park) дар заминаи таҷрибаи пешрафтаи ҷаҳонӣ қабул карда шавад.
Вазорати саноат ва технологияҳои нави Ҷумҳурии Тоҷикистон иттилоъ медиҳад, ки дар иртибот ба ин дар Душанбе нахустин ҷаласаи гурӯҳи кории байниидоравӣ оид ба баррасии лоиҳаи Қонуни Ҷумҳурии «Дар бораи паркҳои технологӣ» баргузор гардид, ки дар он намояндагони вазорату идораҳои давлатӣ, шарикони рушд, аз ҷумла намояндагони Барномаи рушди Созмони Милали Муттаҳид /СММ/, Корпоратсияи байналмилалии молиявӣ/КБМ/ ва Созмони амният ва ҳамкорӣ дар Аврупо /САҲА/ иштирок намуданд.
Муовини Вазири саноат ва технологияҳои нави Ҷумҳурии Тоҷикистон, роҳбари гурӯҳи корӣ Фарҳод Билолзода зикр намуд, ки лоиҳаи Қонуни Ҷумҳурии Тоҷикистон «Дар бораи паркҳои технологӣ» дар таҳрири нав бо дарназардошти таъсиси паркҳои технологияҳои иттилоотӣ (IT Park) дар заминаи таҷрибаи пешрафтаи ҷаҳонӣ бо дастгириву кумаки техникии шарикони рушд-Барномаи Рушди СММ, КБМ ва САҲА бо ҷалби коршиносони милливу байналмилалӣ бо назардошти гузаронидани таҳлилҳои соҳавӣ таҳия гардидааст.
Қабули санади мазкур заминаи мусоидро бо шароити ҷолиб ва ҳавасмандкунанда барои рушди фаъолияти соҳибкорӣ дар соҳаи технологияҳои иттилоотӣ, ҷорӣ намудани инноватсия дар саноат ва пайвастани илм бо истеҳсолот фароҳам меорад.
Интизор меравад, ки рӯзҳои наздик аз ҷониби гурӯҳи корӣ лоиҳаи ин санад баррасӣ шуда, оид ба қабули он ба Ҳукумати Ҷумҳурии Тоҷикистон таклифҳои мушаххас пешниҳод гарданд.
Тибқи протоколи ҷаласаи ХХI Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ аз 25 феврали соли 2021 Вазорати саноат ва технологияҳои нави Ҷумҳурии Тоҷикистон вазифадор гардидааст, ки лоиҳаи Қонуни Ҷумҳурии Тоҷикистон «Дар бораи паркҳои технологӣ» дар таҳрири нав бо назардошти таъсиси паркҳои технологияҳои иттилоотӣ (IT Park) дар заминаи таҷрибаи пешрафтаи ҷаҳонӣ, инчунин такмили заминаи ҳуқуқии ҷорӣ намудани тарзи кори имзои электронии рақамӣ ва гардиши ҳуҷҷатҳои электрониро таҳия ва пешниҳод намояд. Ҳамзамон бо ин гурӯҳи кории байниидоравӣ таъсис дода шудааст.
Аксҳо аз Вазорати саноат ва технологияҳои нави ҶТ ва манбаъҳои боз
Дар Тоҷикистон беш аз 7 ҳазор тонна равғани растанӣ истеҳсол карда шудааст
Дар ноҳияи Дӯстӣ ҷамъоварии тарбуз идома дорад
Тоҷикистон, Узбекистон ва Қазоқистон ҳаҷми боркашониро афзоиш медиҳанд
Намояндагони Тоҷикистон дар ҷаласаи Шабакаи ҷаҳонии зиддикоррупсионӣ дар Боку иштирок намуданд
Дар Тоҷикистон аввалин нуқтаи миллии мубодилаи интернет ифтитоҳ шуд
Дар Тоҷикистон ҳаҷми боркашонӣ тавассути роҳи оҳан афзудааст
Ҳамкории Тоҷикистон ва Бонки ҷаҳонӣ дар самти рушди соҳаи энергетика тақвият меёбад
Истифодаи самараноку сарфакоронаи заминҳои наздиҳавлигӣ, президентӣ ва ба роҳ мондани кишти такрорӣ таъкид гардид
Шумораи корхонаҳои Минтақаи озоди иқтисодии «Суғд» марҳила ба марҳила зиёд мегардад
Дурнамои ҳамкории Тоҷикистон бо Фонди ҳамбастагии исломӣ барои рушд дар Алҷазоир баррасӣ гардид
«Роҳи оҳани Тоҷикистон» барои содироти маҳсулоти кишоварзӣ то 80 фоиз тахфиф пешниҳод намуд
Дар Тоҷикистон ҷамъоварии картошкаи барвақтӣ идома дорад
