ФУТБОЛ. Тоҷикистон бо ду ғалаба ва як бохт дар гурӯҳи «В»-и Ҷоми Осиё-2022 миёни ҷавонони то 23-сола мақоми дуюмро соҳиб гардид

Ноябрь 1, 2021 11:24

ДУШАНБЕ, 01.11.2021 /АМИТ «Ховар»/. Шоми дирӯз дар Варзишгоҳи марказии шаҳри Душанбе  бозии 3-юми гурӯҳи «В»-и марҳилаи интихобии Ҷоми Осиё-2022   миёни дастаҳои  мунтахаби ҷавонони то 23-солаи Эрон ва Тоҷикистон дар ҳузури 7200 нафар мухлис дар сатҳи баланд баргузор гардида, бо ҳисоби 3:2  бар нафъи  дастаи  мунтахаби ҷавонони  то  23-солаи Эрон ба фарҷом расид, иттилоъ медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.       

Дар қисми аввали бозӣ нахуст ба шогирдони Мубин Эргашев имкон даст дод, ки дар дақиқаи 10-уми бозӣ бо голи ба нишон расонидаи Ислом Зоиров ҳисоби бозиро боз кунанд. Пас аз 3 дақиқа футболбози бомаҳорати дастаи яккачини то  23-солаи Эрон Ёсин Салмонӣ тавонист аз зарбаи ҷаримавӣ тӯбро вориди дарвозаи Шоҳрух Қирғизбоев карда, ҳисоби бозиро мусовӣ намояд. Бо гузаштани 6 дақиқа Ёсин Салмонӣ аз фурсати ба миён омада самаранок истифода бурда, натиҷаро 2:1 ба фоидаи дастаи мунтахаби ҷавонони  то  23-солаи Эрон   кард. Дар дақиқаи 22-юми бозӣ пас аз таъйин кардани зарбаи ҷаримавии пеналтӣ аз ҷониби довари бозӣ Ким Ву Сунг ба дарвозаи Эрон ниммуҳофизатгари бомаҳорати дастаи мунтахаби олимпии Тоҷикистон  Эҳсони Панҷшанбе зарбаро дуруст ба самар расонида, натиҷаро мусовӣ кард. Дар охирҳои қисми аввали бозӣ Ёсин Салмонӣ як тӯби дигар ба дарвозаи Шоҳрух Қирғизбоев зада, бо ҳамин бо натиҷаи 3:2 дастаҳо ба танаффус баромаданд.

Дар қисми дуюми бозӣ мухлисон дигар шоҳиди гол нашуданд, ҳарчанд ки ҳарду  дастаи мунтахаб фурсатҳои зиёди голзанӣ дар назди дарвозаи якдигар доштанд. Пас аз пирӯзӣ шогирдони Меҳдӣ Маҳдавикӣ шумораи имтиёзҳояшонро ба 9 адад расонида, садрнишини гурӯҳи «В» гардиданд.

Дастаи мунтахаби ҷавонони  Тоҷикистон бо доштани 6 имтиёз дар зинаи дуюми ҷадвал маскан гирифт. Дар айни замон дастаи мунтахаби  Тоҷикистон дар қатори чаҳор дастаи беҳтарин, ки дар гурӯҳҳои худ ҷойҳои дуюмро касб кардаанд, қарор дорад. Аммо оё дастаи  мо соҳиби роҳхат ба Ҷоми Осиё-2022 мешавад, ин ба натиҷаи бозии дастаҳои  мунтахаби ҷавонони Ветнам ва Мянмар, ки 2   ноябр дар  шаҳри Бишкек баргузор мешавад, вобастагӣ дорад. Агар яке аз дастаҳо бо ҳисоби ғайр аз 4:3 (5:4, 6:5 ва ғайра) пирӯз шавад, онгоҳ дастаи мунтахаби ҷавонони  Тоҷикистон ба марҳилаи ниҳоӣ роҳхат хоҳад гирифт. Агар ин бозӣ бо ҳисоби 3:2 анҷом ёбад, он гоҳ кортҳои зард ба ҳисоб гирифта мешаванд.

Марҳилаи интихобии Ҷоми Осиё-2022

Гурӯҳи «В»

Эрон (U23) 3:2 Тоҷикистон (U23)

Голҳо: Ислом Зоиров 10′, Ёсин Салмонӣ 13′, 19′ , Эҳсони Панҷшанбе 22′, Ёсин Салмонӣ 45′

Марҳилаи муқаддамотии Ҷоми Осиё-2022

Гурӯҳи «В» (бозии 2-юм)

«Тоҷикистон »(U-23 ) 6:0 «Непал» (U-23)
Голҳо:
Шервонӣ Мабатшоев 24′, Шарафҷон Солеҳов 32′, Рустам Соиров 39′, Муҳаммадалӣ Азизбоев 61′, Ваҳдат Ҳанонов 68′ (пен.),  Эмомалӣ Аҳмадҷон 72′.

Ёдовар мешавем, ки 26 октябри соли равон дар шаҳри Душанбе Мусобиқаи интихобии Ҷоми Осиё-2022 миёни футболбозони то 23-сола дар гурӯҳи «В» оғоз ёфта буд. Дар даври аввал дастаи мунтахаби ҷавонони  то 23-солаи  Тоҷикистон   бо роҳбарии сармураббӣ Мубин Эргашев бар дастаи мунтахаби ҷавонони  Лубнон бо ҳисоби 1:0 ғалаба кард.

Голи ягонаи рақобатро ҳимоятгари дастаи футболи   «Истиқлол»-и шаҳри Душанбе Ваҳдат Ҳаннонов дар дақиқаи 87-ум ба нишон расонид. Дар бозии дигари гурӯҳ дастаи мунтахаби ҷавонони  Эрон ба дарвозаи дастаи мунтахаби ҷавонони Непал 4 голи беҷавоб зада буд.

 Бозиҳои оянда:

Даври 2-юм

28 октябр (панҷшанбе)

16:00. Лубнон – Эрон 0:2

19:00. Непал – ТОҶИКИСТОН 0:6

                                 АКС: Федератсияи футболи Тоҷикистон

Ноябрь 1, 2021 11:24

Хабарҳои дигари ин бахш

ЛИГАИ ЧЕМПИОНҲОИ ОСИЁ. 4 декабр дар Варзишгоҳи марказии шаҳри Душанбе нишасти хабарии пеш аз бозии дастаҳои «Истиқлол» ва «Ал-Наср» доир мешавад
ЛИГАИ ЧЕМПИОНҲОИ ОСИЁ. Пагоҳ дар Душанбе бозии даври шашуми марҳилаи гурӯҳӣ байни дастаҳои «Истиқлол» ва «Ал-Наср» баргузор мешавад
5 декабр дар се минтақаи шаҳри Душанбе фан-зона барои тамошои бозии «Истиқлол» ва «Ал-Наср» ташкил мешавад
Паҳлавонони тоҷик аз Чемпионати ҷаҳон оид ба кураш бо 4 медали биринҷӣ ба Ватан баргаштанд
ЧЕМПИОНАТИ ТОҶИКИСТОН -2023. Дастаи футболи «Истиқлол»-и шаҳри Душанбе пеш аз муҳлат ғолиб гардид
Дар шаҳри Хуҷанд Мусобиқаи байналмилалӣ оид ба шиноварӣ баргузор гардид
Ҳарифони паҳлавонони шинохтаи тоҷик дар мусобиқаи Tokyo Grand Slam-2023 оид ба ҷудо муайян шуданд
Дастаи мунтахаби футболи Тоҷикистон дар раддабандии ФИФА се зина боло рафт
ҶОМИ КФО-2023/24. «Равшан» боз бо «Марв»-и Туркманистон мусовӣ намуд
ЛИГАИ ЧЕМПИОНҲОИ ОСИЁ. То имрӯз беш аз 10 000 чиптаи бозии дастаҳои футболи «Истиқлол» ва «Ал-Наср» фурӯхта шудааст
ҶОМИ КФО-2023/24. Имрӯз дастаҳои «Равшан»-и Тоҷикистон ва «Марв»-и Туркманистон бозӣ менамоянд
Тоҷикистонро дар Гранд Слами Токио оид ба ҷудо 10 варзишгар муаррифӣ менамоянд