Хонандагони тоҷик дар Олимпиадаи байналмилалии физика дар Узбекистон соҳиби ҷойи сеюм шуданд
ДУШАНБЕ, 15.11.2021. АМИТ «Ховар»/. 8 нафар хонандагони муассисаҳои таҳсилоти миёнаи умумии Ҷумҳурии Тоҷикистон дар Олимпиадаи 1-уми байналмилалии «Ал-Фарғонӣ» аз фанни физика, ки дар шаҳри Фарғонаи Узбекистон баргузор гардид, сазовори 7 ҷойи ифтихорӣ гардиданд, иттилоъ доданд аз маркази матбуоти Вазорати маориф ва илми Ҷумҳурии Тоҷикистон ба АМИТ «Ховар».
Дар олимпиада, ки аз 7 то 12 ноябр баргузор гардид, хонандагони муасисаҳои таҳсилоти миёнаи умумии мамлакат маҳорати баланд нишон дода, 7 ҷойи ифтихорӣ ба даст оварданд. Онҳо 1 медали тилло, 2 медали нуқра ва 4 медали биринҷӣ гирифта, миёни кишварҳои иштирокчӣ- пас аз давлатҳои Русия ва Қазоқистон мақоми 3-юмро соҳиб гардиданд
Дар Олимпиадаи байналмилалии «Ал-Фарғонӣ» хонандагон аз Русия, Беларус, Қазоқистон, Озарбойҷон, Арманистон, Туркманистон, Қирғизистон, Тоҷикистон, Уммон, Туркия, Қатар, Миср, Кувайт, Ливия, Малайзия, Нигерия, Сенегал ва Тайланд иштирок намуданд.
Олимпиада миёни хонандагони синфҳои 5-11 баргузор гашта, аз ҳар давлат 2 даста иборат аз 8 хонанда ва 4 роҳбар иштирок намуданд.
Ёдовар мешавем, ки қаблан 39 нафар хонандагони муассисаҳои таълимии шаҳри Душанбе дар Олимпиадаи байналмилалии Анталия, ки аз 31 октябр то 7 ноябр дар Ҷумҳурии Туркия баргузор гардид, сазовори ҷойҳои ифтихорӣ гардиданд. Дар ин олимпиада хонандагони муассисаҳои таълимии шаҳри Душанбе аз фанҳои математика, забони русӣ, забони англисӣ, география, химия ва биология ширкат варзида, 10 нафар сазовори ҷойи якум, 12 нафар- ҷойи дуюм ва 17 нафар сазовори ҷойи сеюм гардиданд.
АКС: Вазорати маориф ва илми ҶТ
ИСТИФОДАИ САМАРАНОКИ ЗАМИН. Сокини Ҷамоати деҳоти Ҳилолии ноҳияи Хуросон аз гармхонааш то се ҳосил мегирад
Дар Рашт оид ба тарбияи ҷавонон ҳамчун воситаи муҳим дар муқовимат ба коррупсия машғулият доир гардид
Имрӯз дар баъзе минтақаҳои Тоҷикистон борони кӯтоҳмуддати хусусияти селӣ дошта пешгӯӣ мешавад
ТАҚВИМИ АМИТ «ХОВАР»: имрӯз 27 май, чоршанбе, 147-умин рӯзи соли 2026 аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
