Ҳимоятгарони дастаи миллии футболи Тоҷикистон фаъолияташонро дар дастаи «Персеполис»-и Эрон идома медиҳанд
ДУШАНБЕ, 09.11.2021 /АМИТ «Ховар»/. Ҳимоятгарони дастаҳои миллию олимпии Тоҷикистон ва «Истиқлол»-и Душанбе – Ваҳдат Ҳанонов ва Манучеҳр Сафаров дар ҳайати дастаи чемпиони феълии Лигаи Про-Лигаи Эрон – бошгоҳи «Персеполис» фаъолияти худро идома медиҳанд. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.
Дар ин замина дастаи «Истиқлол»-и Душанбе низ рафтани ду бозингари ҳайати асосиашро ба бошгоҳи шаҳри Теҳрон тасдиқ кард.
«Персеполис» бо Ваҳдат Ҳанонов ва Манучеҳр Сафаров- ду бозингари дастаи «Истиқлол» ва дастаи миллии Тоҷикистон шартнома мебандад ва ин бозингарон барои имзои қарордод вориди Теҳрон хоҳанд шуд.
АКС:ФФТ