ҶИУҶИТСУ. Варзишгарони тоҷик аз чемпинати ҷаҳон оид ба ин намуди варзиш бо 6 медал баргаштанд
ДУШАНБЕ, 17.11.2021 /АМИТ «Ховар»/. Дар шаҳри Абузабии Аморати Муттаҳидаи Араб Чемпионати ҷаҳон оид ба ҷиуҷитсу миёни наврасону ҷавонон баргузор шуд, ки дар он варзишгарони тоҷик 6 медал ба даст оварданд. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.
Дар чемпионат, ки аз рӯи се синну сол – наврасони то 16-сола, ҷавонони то 18-сола ва то 21-сола, ҳамчунин миёни варзишгарони имконияташон маҳдуд сурат гирифт, 1263 варзишгар аз 60 давлат ширкат карданд.
Аз ҷумла, дастаи мунтахаби ҷиуҷитсуи Тоҷикистон дар ҳайати 13 варзишгар дар ин мусобиқа ширкат карда, 6 медал – 1 тилло, 2 нуқра, 3 биринҷӣ – ба даст овард.
Медали тиллоро Муҳаммадсолеҳ Баротов дар вазни -50кг миёни наврасони то 16-сола соҳиб шуд. Дар ин синну сол Фотимахон Гадоева дар вазни -48кг медали нуқра ба даст овард. Медали дуюми нуқраро Абдуманнон Раҳимов дар вазни -77кг миёни варзишгарони имконияташон маҳдуд соҳиб шуд.
Мансур Сабуров дар вазни -38кг миёни наврасони то 16-сола, Файзалӣ Мирзоев дар вазни -50кг ва Суннатулло Набиев дар вазни +81кг миёни ҷавонони то 18-сола ба гирифтани медали биринҷӣ шарафёб шуданд.
АКС: КМО Тоҷикистон
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
