Намояндагони Иттиҳоди Аврупо аз НБО-и «Норак» дидан карданд
ДУШАНБЕ, 24.11.2021 /АМИТ «Ховар»/. Намояндаи олии Иттиҳоди Аврупо оид ба сиёсати хориҷӣ ва амниятӣ Ҷозеп Боррелл ва Ваколатдор оид ба ҳамкории байналмилалӣ Ютта Урпилайнен ҳамроҳ бо ҳайти Иттиҳоди Аврупо 23 ноябр аз Неругоҳи барқи обии «Норак» боздид карданд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
«Мақсади боздиди мазкур муаррифии захираҳои обӣ ва зарфияти гидроэнергетикии Тоҷикистон барои ҳайати Иттиҳоди Аврупо буд», — иттилоъ доданд аз Вазорати корҳои хориҷии Ҷумҳурии Тоҷикистон.
Ҳайати Иттиҳоди Аврупо ҳавасмандии худро барои тақвияти бештари ҳамкорӣ миёни Ҷумҳурии Тоҷикистон ва Иттиҳоди Аврупо дар соҳаҳои иқтисоди сабз, энергетика, тағйирёбии иқлим ва масъалаҳои вобаста ба об дар чаҳорчӯби абзорҳои дуҷониба ва бисёрҷониба иброз намуд.
Ёдовар мешавем, ки Намояндаи олии Иттиҳоди Аврупо оид ба сиёсати хориҷӣ ва амниятӣ Ҷозеп Боррелл ва Ваколатдор оид ба ҳамкории байналмилалӣ Ютта Урпилайнен бо сафари расмӣ ва ҷиҳати иштирок дар ҷаласаи вазирони корҳои хориҷии Осиёи Марказӣ ва Иттиҳоди Аврупо дар Тоҷикистон қарор доранд.
Мавриди зикр аст, ки Неругоҳи барқи обии «Норак» ба номи Турсун Ӯлҷабоев буда, дар дарёи Вахш сохта шудааст. Сохтмони неругоҳ соли 1961 оғоз гардида, гидроагрегати нахустини он соли 1972, охиринаш соли 1979 ба кор дароварда шудааст. Дар Неругоҳи барқи обии «Норак» 9 гидроагрегати иқтидори лоиҳавиашон 3000 МВт насб шудаанд.
АКСҲО: ВКХ ҶТ
Масъалаи ифтитоҳи хонаҳои тиҷоратӣ дар Тоҷикистону Кореяи Ҷанубӣ баррасӣ шуд
Ҳамкории Тоҷикистон ва Корея дар татбиқи лоиҳаҳои иқтисодию иҷтимоӣ баррасӣ гардид
Намояндаи Тоҷикистон дар ҷаласаи ғайрирасмии Кумитаи ҳамоҳангсози Созмони умумиҷаҳонии моликияти зеҳнӣ иштирок намуд
Дар Қоҳира машваратҳои сиёсӣ байни вазоратҳои корҳои хориҷии Тоҷикистон ва Миср баргузор гардид
Давлатшоҳ Гулмаҳмадзода дар мулоқоти Вазири корҳои хориҷии Русия бо сафирони давлатҳои аъзои ИДМ иштирок намуд
Тоҷикистон аз шиддат гирифтани вазъ дар минтақаи Ховари Миёна изҳори нигаронӣ менамояд
Дар Душанбе ҳамкории Тоҷикистон бо Агентии ҳамкории байналмилалии Ҷопон баррасӣ гардид
Масоили рушди ҳамкории сайёҳии Тоҷикистон ва Туркия баррасӣ гардид
Намояндаи доимии Тоҷикистон бо Президенти Ассамблеяи парлумонии Созмони амният ва ҳамкорӣ дар Аврупо мулоқот намуд
Дар Москва машваратҳо дар қолаби «Осиёи Марказӣ – Русия» доир гардиданд
Намояндаи доимии Тоҷикистон бо директори генералии Созмони рушди саноати СММ мулоқот намуд
Дар Москва ҷаласаи Шурои ҷамъиятии назди Сафорати Тоҷикистон дар Русия баргузор гардид
