ЮНИСЕФ маоши омӯзгорони афғонро мустақиман, бидуни иштироки «Толибон», пардохт мекунад
ДУШАНБЕ, 04.11.2021 /АМИТ «Ховар»/. Фонди кӯдакони Созмони Милали Муттаҳид (ЮНИСЕФ) пас аз қатъи кумакҳои ҷомеаи ҷаҳонӣ ба ҳукумати муваққатии ташкилнамудаи «Толибон»* дар Афғонистон дар бораи азми таъсиси низоми маблағгузории мустақими омӯзгорони афғон хабар дод. Тавре АМИТ «Ховар» хабар медиҳад, дар ин бора 3 ноябр хабаргузории Reuters бо истинод ба изҳороти намояндаи ин фонд хабар дод.
«ЮНИСЕФ низомеро таъсис медиҳад, ки имкон фароҳам меорад, то пардохтҳои мустақим ба омӯзгорон бо канорагирӣ аз маблағе, ки тавассути мақомот мегузарад, сурат гирад»,- гуфт Жанетт Вогелаар, мудири маорифи ин созмон дар Афғонистон. Дар давраи омодагӣ ба татбиқи ин барнома бақайдгирии ҳамаи омӯзгорони мактабҳои давлатӣ оғоз мешавад. ЮНИСЕФ ҳамчунин аз ҷомеаи ҷаҳонӣ даъват мекунад, ки омӯзгорони афғонро аз ҷиҳати молиявӣ дастгирӣ кунанд.
Тавре хабаргузории Reuters зикр мекунад, низоми маориф дар Афғонистон баъди ба сари қудрат расидани «Толибон» ба буҳрон дучор шудааст. Бисёр давлатҳо ҳама гуна маблағгузории ҳукумати муваққатии радикалҳоро қатъ кардаанд. Танҳо расонидани кумакҳои башардӯстона, ин ҳам на тавассути ҳукумати “Толибон”, балки ба воситаи созмонҳои байналмилалии башардӯстона иҷозат дода мешавад. Вазъият дар соҳаи маориф нигаронии ҷомеаи ҷаҳониро ба миён овардааст, аз ин рӯ ЮНИСЕФ ва як қатор созмонҳои дигари байналмилалӣ барои ҳалли мушкилоти мубрам, бахусус, барои идома додани имконияти бо таълим фаро гирифтани духтарону занон дар ин кишвар фаъолона кор мебаранд
* «Толибон» – ҳаракати мамнуъ дар Тоҷикистон
АКС аз манбаъҳои боз
200 зани ҳунарманд ва соҳибкори Тоҷикистон соҳиби гранти президентӣ мегардад
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
Ҷашни Наврӯз дар Агентии суғуртаи иҷтимоӣ ва нафақа таҷлил карда шуд
ГИЁҲҲОИ БАҲОРӢ. Истеъмоли ин растаниҳо дар бадани инсон ба сифати маводи зиддисироятӣ хизмат менамояд
Дар доираи дуюмин Фестивали ҷаҳонии ҷавонон барномаи фарҳангии «Шоми дӯстӣ» баргузор гардид
Дар Тоҷикистон Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ идома дорад
Сокинони ноҳияи Мастчоҳ ҷашни Наврӯзро бо тантана истиқбол гирифтанд
23 МАРТ — РӮЗИ ҶАҲОНИИ ОБУҲАВОШИНОСӢ. Ҳавошиносони Тоҷикистон барои пешгӯии боду ҳаво аз моделҳои пешрафта истифода мебаранд
Эмомалӣ Раҳмон: «Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад»
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
