Қалъаи беш аз сеҳазорсолаи Хуҷанд таъмир ва аз нав барқарор мешавад
ДУШАНБЕ, 01.12.2021 /АМИТ «Ховар»/. Имрӯз, 1 декабр Раиси вилояти Суғд Раҷаббой Аҳмадзода бо корҳои таъмиру азнавбарқароркунӣ дар Қалъаи Хуҷанд шинос гардид. Қалъаи Хуҷанд, ки таърихи беш аз сеҳазорсола дорад, дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ва бо ибтикори мақомоти иҷроияи ҳокимияти давлатии вилоят аз нав барқарор мешавад, иттилоъ дод сардори Хадамоти матбуоти Раиси вилояти Суғд Музаффар Юнусов ба АМИТ «Ховар».
Дар корҳои навсозии иншооти қадимӣ гурӯҳи лоиҳакашон ва мутахассисони Вазорати фарҳанг, Кумитаи сохтмон ва меъморӣ, олимону бостоншинсон дар асоси маъхазҳои таърихиву адабӣ, харитаву аксҳои таърихӣ ва дигар сарчашмаҳо ширкат варзида, дар минтақаҳои алоҳидаи қалъа ковишҳои бостоншиносӣ идома доранд. Дар асоси лоиҳа эҳёи деворҳои куҳандиз, бунёди бинои маъмурӣ, намунаҳои хонаву ҳавлиҳои қадимии шаҳри Хуҷанд, меҳмонхонаву осорхона, чойхона, ҳаммому нуқтаҳои хизматрасонӣ ва дигар иншооти ёрирасон ба нақша гирифта шуда, корҳо бо суръат идома дорад. Ба корҳои сохтмонӣ 10 ширкати бинокорӣ ва даҳҳо нафар мутахассисону сохтмончиён, устоҳои халқӣ, ҳунармандону рассомон, ороишгарону кулолгарон ва кандакорон ҷалб гардида, қалъа бо нигоҳ доштани асосу унсурҳои таърихӣ таҷдид хоҳад шуд.
Раиси вилоят ба масъулини Идораи сохтмони асосии вилоят ва сохтмончиён барои иҷрои босифати корҳо тавсияҳо дода, азнавбарқароркунии иншооти таърихиро ҷиҳати муаррифии таъриху фарҳанг ва маданияти бойи миллати тоҷик, инчунин ҷалби сайёҳони дохиливу хориҷӣ кори муҳим арзёбӣ кард.
Раҷаббой Аҳмадзода бо ҷараёни навсозии Театри давлатии мусиқӣ- мазҳакавии ба номи Камоли Хуҷандӣ шинос шуда, баҳри бо сифати баланд ба иҷро расонидани корҳо супоришҳо дод.
Бинои театр солҳои 60-уми асри гузашта сохта шуда, дорои 530 ҷойи нишаст мебошад, ки бо дастгирии мақомоти иҷроияи ҳокимияти давлатии вилоят навсозӣ карда мешавад. Дар театр беш аз 150 корманди эҷодию техникӣ фаъолият дошта, 63 утоқи корию хоҷагӣ мавҷуданд.
АКСҲО: Хадамоти матбуоти Раиси в. Суғд
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
