Дар Бохтар Форуми ҳунармандони вилояти Хатлон доир шуд

Декабрь 1, 2021 09:48

ДУШАНБЕ, 01.12.2021 /АМИТ «Ховар»/. 30 ноябр дар шаҳри Бохтар бахшида ба ҷамъбасти Солҳои рушди деҳот, сайёҳӣ ва ҳунарҳои мардумӣ (2019-2021) таҳти унвони «Нақши Пешвои миллат дар рушди ҳунарҳои мардумӣ» Форуми ҳунармандони вилояти Хатлон баргузор гардид, иттилоъ доданд ба АМИТ «Ховар» аз шуъбаи иттилоотию таҳлилии дастгоҳи раиси вилояти Хатлон.

Дар форум занону бонувони ҳунарманд ва дигар ҳунармандони чирадасти вилоят маҳсули заҳмати худ- ҳунарҳои мардумиро ба намоиш гузоштанд. Аз намоишгоҳи ҳунарҳои мардумӣ аён буд, ки бо дастгирии Ҳукумати Ҷумҳурии Тоҷикистон дар мамлакат ҳунарҳои мардумӣ дар доираи Солҳои рушди деҳот, сайёҳӣ ва ҳунарҳои мардумӣ рушду нумӯи тоза ёфта, ҳунарҳои фаромӯшшуда аз нав эҳё гардиданд.

Раиси вилояти Хатлон Қурбон Ҳакимзода зимни боздид аз намоишгоҳи ҳунарҳои мардумӣ бо ҳунармандони шаҳру ноҳияҳои вилоят суҳбат намуда, оид ба рушд бештар бахшидан ба ҳунарҳои мардумӣ, бахусус, чакандӯзӣ, атласу адрасбофӣ, заргарӣ, зардӯзӣ, попурзанӣ, қолинбофӣ ва дигар ҳунарҳои миллӣ дастуру тавсияҳои муфид дода, андешаҳои ҳунармандонро шунид.

Дар гӯшаи дигари намоишгоҳ кадбонуҳои ҳунарманд хӯрокҳои миллӣ, нону кулчаҳо, маҳсулоти қаннодӣ ва дигар анвои ғизоиро ба намоиш гузоштанд.

Зикр шуд, ки Солҳои рушди деҳот, сайёҳӣ ва ҳунарҳои мардумӣ эълон гардидани солҳои 2019 — 2021 ба эҳё ва рушди ҳунармандӣ такони ҷиддӣ бахшид.

АКС аз шуъбаи иттилоотию таҳлилии дастгоҳи Раиси вилояти Хатлон

Декабрь 1, 2021 09:48

Хабарҳои дигари ин бахш

«ТОҶИКИСТОН — ВАТАНИ АЗИЗИ МАН». Дар Хоруғ даври вилоятии ин озмун оғоз гардид
27-СОЛАГИИ ВАҲДАТИ МИЛЛӢ. Ба ин муносибат дар Осорхонаи миллӣ гӯшаи доимоамалкунанда ташкил гардидааст
Афсарону сарбозони Гвардияи миллӣ бахшида ба Рӯзи Ваҳдати миллӣ ба тамошои Осорхонаи миллӣ омаданд
«СИ ҶИНПИН ДАР БОРАИ ИДОРАКУНИИ ДАВЛАТӢ». Маҳфили китобдӯстони Тоҷикистону Чин дар Душанбе ба ин мавзуъ бахшида шуд
ТОҶИКИСТОНУ ЧИН – ШАРИКОНИ СТРАТЕГӢ. Дар Академияи миллии илмҳои Тоҷикистон дар ин мавзуъ конференсияи байналмилалӣ баргузор шуд
«ТОҶИКОНА МЕПӮШЕМ!». Бонувони Китобхонаи миллии Тоҷикистон либоси миллиро тарғиб менамоянд
Маҷаллаи «ал-Баён»-и Робитаи адибони Кувайт ашъори шоираи ҷавони тоҷик Сурайё Ҳакимоваро нашр намуд
Мутахассисони соҳаи синамои тоҷик дар Донишкадаи давлатии умумирусиягӣ ба таҳсил фаро гирифта мешаванд
ЧАКАН ДАР ПАРИЖ. Тарроҳи тоҷик рангорангӣ, ғановат ва гуногунии онро дар Ҳафтаи мӯд намоиш медиҳад
Дар Хуҷанд бо иштироки ҳайати занони Чин барномаи фарҳангӣ доир гардид
ҲАФРИЁТИ БОСТОНШИНОСӢ. Аз ёдгории Ҳалқаҷар зевари тиллоӣ кашф гардид
ҚАЛЪАИ ЯМЧУН — ҚАДИМТАРИН ДАР ОСИЁИ МАРКАЗӢ. Ин ёдгории фарҳангӣ дар ҳаҷми 4,2 миллион доллари амрикоӣ навсозӣ мегардад