Дар Фурудгоҳи байналмилалии Душанбе паҳлавонони наврасу ҷавони тоҷикро гарм истиқбол гирифтанд

Декабрь 8, 2021 11:02

ДУШАНБЕ, 08.12.2021 /АМИТ «Ховар»/. Шоми дирӯз паҳлавонони наврасу ҷавони тоҷик аз Чемпионати Осиё-Уқёнус, ки  дар шаҳри Бейрути Лубнон баргузор гардид, бо  ба даст овардани 8 медал – 1 тилло, 2 нуқра ва 5 биринҷӣ ба Ватан баргаштанд, хабар медиҳад шореҳи варзиши АМИТ «Ховар» Меҳрони Қурбон. 

Дар охирин рӯзи мусобиқа дар вазни то 81 кг ду паҳлавони тоҷик ба рақобати ниҳоӣ баромада, дар ниҳоят  Шодмон Ризоев парчами моро дар садри парчамҳо қарор дод ва Суруди миллии Тоҷикистон садо дод.

Мавриди зикр аст, ки Чемпионати Осиё/Уқёнус оид ба гӯштини дзюдо  4-5 декабр дар шаҳри Бейрути Лубнон дар сатҳи баланд сурат гирифт. Дар чемпионати мазкур 127 варзишгар (82 мард, 45 зан) аз 17 давлати қора ширкат карданд. Ҷумҳурии Тоҷикистонро дар ин мусобиқаи муҳим  миёни писарон 9 варзишгар — Хурсандқул Куганов (-66кг), Абубакр Шеров (-66кг), Муҳаммадиқбол Тошов (-73кг), Масъуд Аҳмадзод (-73кг), Муҳаммадҷон Абдуҷалилов (-81кг), Шодмон Ризоев (-81кг), Раҳматулло Мирзоев (-90кг), Мансур Раҳмон (-100кг), Давлатҷон Назриев (+100кг) намояндагӣ карданд, ки дар натиҷа соҳиби 1 медали тилло, 1 нуқра ва 3 биринҷӣ шуданд.

Медали тиллоро Шодмон Ризоев дар вазни -81кг сазовор гашт. Ӯ дар финал бар намояндаи дигари Тоҷикистон Муҳаммадҷон Абдуҷалилов пирӯз шуд.

Шодмон Ризоев соли 2019 дар Чемпионати Осиё/Уқёнус миёни ҷавонон дар Тайпейи Чин дар вазни -66кг медали нуқра гирифта буд.

Абубакр Шеров (-66кг), Масъуди Аҳмадзод (-73) ва Давлатҷон Назриев (+100кг) медали биринҷӣ ба даст оварданд.

Хотиррасон мешавем, ки дар Чемпионати Осиё/Уқёнус оид ба гӯштини дзюдо миёни наврасон Парвиз Абдураҳмонов (+90кг) сазовори медали нуқра, Суруш Эркаев (-60кг) ва Муҳаммад Юсуфзода (-66кг) сазовори медалҳои биринҷӣ шуданд.

                                                                                     АКС  аз манбаъҳои боз

Декабрь 8, 2021 11:02

Хабарҳои дигари ин бахш

Дастаи мунтахаби наврасони Тоҷикистон (U-17) дар Амороти Муттаҳидаи Араб бозиҳои дӯстона анҷом медиҳад
«МегаФон Тоҷикистон» шарики кулли Ҷоми Тоҷикистон оид ба футзал гардид
Замони баргузории бозиҳои даври 19-уми Чемпионати Тоҷикистон байни дастаҳои Лигаи олӣ муайян шуд
ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад