Дар шаҳри Бохтар филиали КВД БССТ «Саноатсодиротбонк» ифтитоҳ гардид

Декабрь 31, 2021 09:50

ДУШАНБЕ, 31.01.2021 /АМИТ «Ховар»/. 30 декабр дар шаҳри Бохтари  вилояти Хатлон Корхонаи воҳиди давлатии Бонки саноативу содиротии Тоҷикистон «Саноатсодиротбонк»  филиали худро ифтитоҳ намуд, иттилоъ доданд ба АМИТ «Ховар» аз маркази матбуоти КВД БССТ «Саноатсодиротбонк».

Дар маросими кушодашавии филиал Раиси Раёсати КВД БССТ «Саноатсодиротбонк» Ҳокимшоҳ Бобозода, муовини Раиси вилояти Хатлон Акрам Сулаймонзода, раиси шаҳри Бохтар ва меҳмонону соҳибкорони минтақа иштирок намуданд.

Дар оғози маросим Раиси Раёсат Ҳокимшоҳ Бобозода иброз намуд, ки «Саноатсодиротбонк» ҳамчун бонки давлатӣ ҷиҳати тақвият бахшидани суръати рушди иқтисодиёти минтақа дар иртибот ба Паёми солонаи Пешвои миллат ва Солҳои рушди саноат эълон шудани солҳои 2022-2026 тасмим гирифтааст филиалҳои худро ба маротиб зиёд намояд.

Зикр шуд, ки фаъолияти филиали бонк дар ин минтақа бевосита дастгирии молиявии корхонаҳои саноативу истеҳсолии навтаъсис, амалкунанда ва соҳибкорони инфиродии самти корашон ба истеҳсоли молу маҳсулоти воридотивазкунанда ва ба содирот нигаронидашуда ба шумор меравад.

Филиали бонк дар шаҳри Бохтар дорои 12 воҳиди корӣ буда, ҳама кормандон аз ҳисоби мутахассисони маҳаллӣ ба кор ҷалб карда шудаанд.

Бонки мазкур бо мақсади таъмини рушди дарозмуддати иҷтимоию иқтисодии ҷумҳурӣ ва фароҳам овардани шароит барои рушди устувори иқтисодӣ, баланд бардоштани самаранокии сармоягузорӣ ва зиёд намудани сармоягузорӣ ба иқтисодиёти миллӣ тавассути иштирок дар лоиҳаҳо, ки ба рушди инфрасохтор, саноат, содирот, инноватсия, инчунин самаранокии неру, дастгирии содирот ва тавсеаи дастрасии маҳсулоти саноатии Тоҷикистон ба бозорҳои хориҷӣ нигаронида шудааст, амал мекунад.

АКСҲО аз маркази матбуоти КВД БССТ «Саноатсодиротбонк»

Декабрь 31, 2021 09:50

Хабарҳои дигари ин бахш

ҚУРБИ АСЪОР 1 евро аз 13.6182 то 13.6200 сомонӣ муқаррар шудааст
Бонки Эсхата барои дорандагони «Корти Ягона» иқдоми нав роҳандозӣ менамояд
ҚУРБИ АСЪОР 1 рубли русӣ аз 0.1580 то 0.1575 сомонӣ муқаррар шудааст
ҚУРБИ АСЪОР 1 евро аз 13.4968 то 13.5200 сомонӣ муқаррар шудааст
22,3 фоизи қарзҳои ба муштариён пешниҳоднамудаи «Амонатбонк» ба соҳаи саноат рост меояд
ҚУРБИ АСЪОР 1 рубли русӣ аз 0.1547 то 0.1555 сомонӣ муқаррар шудааст
ҚУРБИ АСЪОР 1 евро аз 13.5206 то 13.5200 сомонӣ муқаррар шудааст
Ба «Ташкилоти суғуртавии Сипаҳр» то соли 2025 иҷозатнома дода шуд
ҚУРБИ АСЪОР 1 рубли русӣ аз 0.1525 то 0.1545 сомонӣ муқаррар шудааст
ҚУРБИ АСЪОР дар муассисаҳои ташкилии қарзии Тоҷикистон 1 доллари ИМА аз 12.4849 то 12.5000 сомонӣ муқаррар шудааст
ҚУРБИ АСЪОР дар муассисаҳои ташкилии қарзии Тоҷикистон 1 евро аз 13.5675 то 13.6500 сомонӣ муқаррар шудааст
ҚУРБИ АСЪОР дар муассисаҳои ташкилии қарзии Тоҷикистон 1 рубли русӣ аз 0.1585 то 0.1610 сомонӣ муқаррар шудааст