Федератсияи гӯштини миллӣ ба варзишгарони беҳтарини сол ҷоиза ва туҳфаҳо тақдим намуд
ДУШАНБЕ, 30.12.2021 /АМИТ «Ховар»/. Дар интиҳои сол тибқи анъана варзишгарони муваффақ қадрдонӣ карда мешаванд. Федератсияи гӯштини миллӣ низ беҳтаринҳои солро муайян карда, ба онҳо ҷоиза ва туҳфаҳои хотирмон тақдим намуд, иттилоъ медиҳад шореҳи варзиши АМИТ «Ховар» Меҳрони Қурбон бо истинод ба Федератсияи гӯштини миллӣ Тоҷикистон.
Соли 2021 барои Федератсияи гӯштини миллии Тоҷикистон соли хотирмон ва сермаҳсул буд, зеро бо ибтикори ин федератсия дар шаҳри Душанбе ва дигар минтақаҳои кишвар якчанд мусобиқаи сатҳи байналмилалӣ роҳандозӣ шуданд.
Федератсияи миллии гӯштингирӣ дар интиҳои сол беҳтаринҳоро муайян намуда, бо туҳфаҳои хотиравӣ қадрдонӣ намуд. Аз миёни гӯштингирони сермаҳсул имсол Темур Раҳимов, Ҷаҳонгир Маҷидов, Мирзоҷамил Рамазонов, Фирдавс Насимов ва яке аз чеҳраҳои умедбахши гӯштини кишвар- Хайрандеш Муродзода соҳиби ҷоизаю мукофот шуданд.
Ҳамин тавр, паҳлавони маъруфи тоҷик Темур Раҳимов «Беҳтарин варзишгар дар соли 2021» эътироф карда шуд.
Ҷаҳонгир Маҷидов дар вазни 90кг «Беҳтарин гӯштингир дар соли 2021» эълон гардид. Мирзоҷамил Рамазонов ва Фирдавс Насимов низ беҳтаринҳо дар вазни худ интихоб шуда, бо туҳфаҳо қадрдонӣ шуданд.
Ҷоизаи «Беҳтарин сармураббӣ дар соли 2021»-ро Хуршед Ибодуллоев ба даст овард.
Шоҳин Гулов «Мураббии сол дар соли 2021» эътироф карда шуд.
Хусрав Шоев «Беҳтарин довар дар соли 2021» гардид.
Ҳамчунин Федератсияи гӯштини миллии кишвар беҳтарин федератсияро муайян намуд ва Федератсияи гӯштини миллии минтақаи Кӯлоб соҳиби ин ҷоиза шуд.
Ба Муассисаи давлатии Телевизиони «Варзиш» барои инъикоси мусобиқаҳои гӯштини миллии гӯштингирӣ ҷоизаи «Беҳтарин ВАО дар соли 2021» тақдим карда шуд.
АКС аз манбаъҳои боз
Машғулият оид ба таҳлили бозиҳо барои мураббиёни лигаҳои наврасони Тоҷикистон оид ба футбол идома дорад
Дастаи мунтахаби Тоҷикистон оид ба футбол ба 100-гонаи беҳтаринҳои раддабандии ФИФА ворид гардид
Бозии дастаҳои мунтахаби Тоҷикистон ва Арабистони Саудӣ оид ба футзал мусовӣ анҷом ёфт
«ФУТБОЛ БА НАЗДИ ШУМО МЕОЯД». Дастаи кӯдакони ноҳияи Лахш соҳиби ҷойи аввал гардид
Дастаи мунтахаби Тоҷикистон оид ба футзал дар доираи машқҳои таълимӣ ду бозии санҷишӣ доир кард
ФУТБОЛ. Дастаи мунтахаби наврасони Тоҷикистон (U-17) Аморати Муттаҳидаи Арабро мағлуб намуд
ФУТБОЛ. Дастаи мунтахаби наврасони то 17-солаи Тоҷикистон дар бозии дӯстона дастаи Арабистони Саудиро мағлуб намуд
Дастаи мунтахаби Тоҷикистон оид ба футзал пеш аз Ҷоми Осиё-2026 се бозии санҷишӣ анҷом медиҳад
Таҷрибаи академияҳои маъруфи ҷиу-ҷитсуи ИМА барои рушди варзиш дар Тоҷикистон омӯхта мешавад
Дар Душанбе қуръакашии марҳилаи муқаддамотии Ҷоми ФФТ-2026 оид ба футбол баргузор шуд
Дар Тоҷикистон Фестивали бозиҳои миллии варзишӣ баргузор мегардад
Дастаи мунтахаби Тоҷикистон оид ба футзал ба Ҷоми Осиё-2026 омодагӣ мегирад
