Панҷ корманди БМТ барнома оид ба сарварӣ ва гуногуншаклии фаъолияти занонро хатм намуданд
ДУШАНБЕ, 08.12.2021 /АМИТ «Ховар»/. 5 нафар кормандони Бонки миллии Тоҷикистон дар радифи 81 нафар ҳамтоёни худ аз 28 давлати ҷаҳон муддати шаш моҳ дар барномаи «Сарварӣ ва гуногуншаклии фаъолияти занон – роҳбарони муассисаҳои танзимгари молиявӣ» тариқи онлайн-сессия таҳсил ва онро мувафаққона хатм намуда, соҳиби шаҳодатнома гардиданд. Барномаи «Сарварӣ ва гуногуншаклии фаъолияти занон – роҳбарони муассисаҳои танзимгари молиявӣ» барномаи муштараки Бонки ҷаҳонӣ ва Донишгоҳи Оксфорд буда, ҳадафаш баланд бардоштани ҷойгоҳи занони роҳбар дар пешбурди фаъолият ва идораи бонкдорӣ ва муассисаҳои танзимгари молиявӣ мебошад, хабар доданд аз Бонки миллии Тоҷикистон ба АМИТ «Ховар».
Панҷ нафар хатмкунандагони Барномаи «Сарварӣ ва гуногуншаклии фаъолияти занон – роҳбарони муассисаҳои танзимгари молиявӣ» — муовини Раиси Бонки миллии Тоҷикистон Моҳбону Накҳатзода, сардори Идораи бозори молиявӣ Умеда Сатторзода, сардори шуъбаи таҳлили хавфҳо Муниса Навҷуанова, сармутахассиси Идораи ҳимояи ҳуқуқҳои истеъмолкунандагони хизматрасониҳои молиявӣ Зарангез Умарова ва мутахассиси пешбари Департаменти идораи захираҳои байналмилалӣ ва сиёсати қурби асъор Вероника Мадалиева дар ҳамоише, ки дар БМТ доир гардид, донишҳои андӯхтаашонро тариқи рӯнамо муаррифӣ намуданд.
Муовини Раиси Бонки миллии Тоҷикистон Моҳбону Накҳатзода зикр намуд, ки «БМТ дар ҳамбастагӣ бо шарикони рушд барои омода намудани мутахассисон ва пайваста баланд бардоштани савияи донишу малакаи кормандони роҳбарикунанда, аз ҷумла занон дар низоми бонкӣ тадбирҳои амалӣ меандешад. Барномаи мазкур барои иштирокдорон самарабахш буд ва боварии комил дорем, ки малакаю донишҳои андӯхта дар фаъолияти минбаъда натиҷаҳои пурмаҳсул дода, баҳри самаранок ба роҳ мондани фаъолияти бонувони роҳбарикунанда мусоидат менамояд».
Созмондиҳандаи Барномаи муштараки Бонки ҷаҳонӣ ва Донишгоҳи Оксфорд барои занон – роҳбарони муассисаҳои танзимгари молиявӣ ва мутахассисони ҷавон «Women’s World Banking» буда, таъмини суботи бештари иқтисодӣ, рушди зеҳнии бонувон ва фаъолнокии онҳоро дар иқтисодиёт сармоягузорӣ мекунад.
АКСҲО: Бонки миллии Тоҷикистон
Натиҷаҳои рушди иқтисодии Тоҷикистон дар Таиланд муаррифӣ гардиданд
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
Ҷаласаи панелии соҳавии «Шарикии рушд: тасмимҳои бонкӣ ва суғуртавӣ барои ҷомеаи соҳибкорӣ» баргузор шуд
ҚУРБИ АСЪОР: 1 доллари ИМА аз 9.1600 то 9.2430 сомонӣ муқаррар шудааст
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Намояндагони Тоҷикистон дар мулоқоти вазирони молия ва раисони бонкҳои марказии кишварҳои Қафқоз ва Осиёи Марказӣ иштирок намуданд
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
