Ҷаласаи 32-юми Шӯрои банақшагирии минтақавии Созмони ҳамкории иқтисодӣ баргузор гардид
ДУШАНБЕ, 25.01.2022 /АМИТ «Ховар»/. Имрӯз ҷаласаи 32-юми Шӯрои банақшагирии минтақавии Созмони ҳамкории иқтисодӣ бо таваҷҷуҳ ба ҳамоҳангсозии судӣ ва парлумонӣ баргузор гардид, хабар дод котиби матбуоти Маҷлиси намояндагони Маҷлиси Олии Ҷумҳурии Тоҷикистон Муҳаммадато Султонов ба АМИТ «Ховар».
Дар кори ҳамоиш вакили Маҷлиси намояндагон Мавлудахон Мирзозода, мушовири кумитаи Маҷлиси намояндагон оид ба қонунгузорӣ ва ҳуқуқи инсон Фируз Сайнозимзода ва судяи Суди Олӣ Мавҷуда Пулодӣ ба таври онлайн иштирок намуданд.
Дар рӯзномаи ҷаласа ду масъала — муҳокимаи ҳуҷҷатҳои корӣ оид ба ҳамоҳангсозии ҳамкории судӣ, парлумонӣ ва таҳияю тасдиқи лоиҳаи барномаи корӣ ва тақвими чорабиниҳо барои соли 2022 мавриди баррасӣ қарор гирифт.
Зимни ҷаласаи Шӯро барномаи корӣ ва нақшаи чорабиниҳо барои соли 2022 қабул карда мешаванд. Тибқи дурнамои ЭКО-2025, ҳамкорӣ дар бахшҳои савдо, сармоягузорӣ, нақлиёт, коммуникатсия, муносибатҳои байналмилалӣ, энергетика, муҳити зист, кишоварзӣ, саноат, сайёҳӣ, ҳамоҳангсозии судӣ ва парлумонӣ, захираҳои инсонӣ ва рушди устувор авлавиятнок ба ҳисоб мераванд.
Баъд аз ниҳоӣ гардидан барномаи корӣ ва тақвими чорабиниҳои ЭКО барои соли 2022 аз ҷониби кумитаҳои соҳавии он дар охири рӯзи корӣ ва дар ҷаласаи умумии Шӯрои банақшагирии минтақавӣ бо раисии ҳайати Ҷумҳурии Узбекистон ва роҳбарони ҳайатҳои кишварҳои узви ЭКО тасдиқ карда мешавад.
АКС: МН МО ҶТ
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
