Дар «Амонатбонк» нуктаҳои муҳими Паёми Пешвои миллатро тавзеҳ доданд

Январь 31, 2022 09:10

ДУШАНБЕ, 31.01.2022/АМИТ «Ховар»/. Дар партави дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон мавқеи сиёсати давлатии ҷавонон дар фаъолияти «Амонатбонк» баланд бардошта шуда, ҷиҳати мустақилона ва бо ҳисси масъулият ширкат кардани ҷавонон дар ҳаёти ҷамъиятӣ шароити зарурӣ муҳайё гардидааст. Ин нуктаро Раиси Раёсати Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ дар ҷаласае, ки оид ба шарҳу тавзеҳи Паёми Пешвои миллат ба Парлумони  мамлакат  ва натиҷаи фаъолияти ташкилоти ибтидоии ҳизбии «Амонат»-и Бонки давлатии  амонатгузории Ҷумҳурии Тоҷикистон «Амонатбонк» дар соли 2021» дар Душанбе доир гардид, зикр намуд. Дар ин бора ба АМИТ «Ховар» аз БДА «Амонатбонк» иттилоъ доданд.

Сироҷиддин Икромӣ зикр намуд, ки роҳбарияти «Амонатбонк» ташаббусу пешниҳодҳои созандаи ҷавононро ҳамеша дастгирӣ намуда, барои амалӣ гардидани онҳо имконият фароҳам меорад. Дар бонк Шӯрои ҷавонон ва Шӯрои занон  фаъолият доранд, ки ҳадафашон  татбиқи самараноки сиёсати давлатии ҷавонон ва мусоидат ба амалӣ намудани пешниҳоду ташаббусҳои онҳо мебошад.

Раиси Кумитаи иҷроияи Ҳизби Халқии Демократии Тоҷикистон дар шаҳри Душанбе  Иброҳим Мирзозода аз рушду суботи сартосарии кишвар, бунёди иншооти гуногуни маъмуриву маишӣ дар мамлакат, сулҳу субот ва содиқ мондан ба ватану миллат  сухан намуд.  Ҳамзамон раиси Шӯрои занони «Амонатбонк»  Шаҳло  Раҳимзода нуктаҳои Паёми Пешвои  миллат ба Парлумони кишварро тавзеҳ дода, гуфт, ки Пешвои миллат дар Паёмашон  таъкид намуданд, ки тамоми дастовардҳои даврони соҳибистиқлолӣ маҳз ба шарофати заҳмати содиқонаи халқи  Тоҷикистон ва дастгириву пуштибонии хурду бузурги кишвар аз сиёсати пешгирифтаи роҳбарияти давлату ҳукумат ба даст омадааст.

Роҳбари давлат бо таваҷҷуҳ ба фаъолияти низоми бонкӣ, ҳамчун муҳаррики иқтисодиёт дар Паёми навбатӣ махсус зикр намуданд, ки баҳри баланд бардоштани сатҳи зиндагии мардуми кишвар, дастгирии соҳаҳои афзалиятнок ва дар маҷмӯъ рушди иқтисоди миллӣ тавассути пешниҳоди маблағҳои қарзӣ ва дигар хизматрасониҳои бонкӣ саҳм гузоранд.

Дар анҷоми ҷаласа ба як гурӯҳ кормандони «Амонатбонк» шаҳодатномаҳои ҳизбӣ супорида шуда, аъзои фаъоли Ташкилоти ибтидоии ҳизбии «Амонат» барои фаъолияти пурсамар ва иштироки фаъолона дар чорабиниҳои сиёсию фарҳангӣ, корҳои ҷамъиятӣ ва ҳизбӣ бо Сипоснома сарфароз гардонида шуданд.

     АКСҲО аз Бонки давлатии амонатгузории ҶТ «Амонатбонк»

Январь 31, 2022 09:10

Хабарҳои дигари ин бахш

ҚУРБИ АСЪОР: 1 рубли русӣ аз 0.1137 то 0.1130 сомонӣ муқаррар шудааст
ҚУРБИ АСЪОР: 1 доллари ИМА аз 9.2271 то 9.3000 сомонӣ муқаррар шудааст
ҚУРБИ АСЪОР: 1 евро аз 10.7054 то 10.6000 сомонӣ муқаррар шудааст
ҚУРБИ АСЪОР: 1 доллари ИМА аз 9.2104 то 9.2500 сомонӣ муқаррар шудааст
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Бонки миллии Тоҷикистон ҳамкориро бо Бонки миллии Швейтсария тақвият медиҳад
ҚУРБИ АСЪОР: 1 рубли русӣ аз 0.1132 то 0.1130 сомонӣ муқаррар шудааст
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
ҚУРБИ АСЪОР: 1 евро аз 10.7517 то 10.7000 сомонӣ муқаррар шудааст
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд