Раиси шаҳри Душанбе аз сокинони пойтахт даъват ба амал оварданд, ки дар маъракаи эмкунӣ фаъол бошанд

Январь 13, 2022 10:55

ДУШАНБЕ, 13.01.2022. /АМИТ «Ховар»/. Соли сипаришуда бо мақсади  пешгирӣ кардани пандемияи коронавирус covid-19 якуним миллион воя ваксина ворид гардид ва то имрӯз 725 ҳазор нафар сокинони шаҳри Душанбе, ки 100 фоизи гурӯҳи мақсаднокро ташкил медиҳанд, эм карда шуданд. Таҷрибаи тибби ҷаҳонӣ собит намуд, ки роҳи ягонаи эмин мондан аз ин беморӣ ва наҷоти ҳаёти инсон танҳо эмгузаронӣ мебошад, чунин таъкид намуданд Раиси шаҳри Душанбе  муҳтарам Рустами Эмомалӣ дар ҷаласаи ҷамъбастӣ оид ба натиҷаҳои рушди иҷтимоию иқтисодии пойтахт дар соли  2021, ки  дирӯз, 12 январ баргузор гардид. Дар ин бора ба АМИТ «Ховар»  дар  шуъбаи иттилоотии дастгоҳи Раиси шаҳри Душанбе хабар доданд.

Дар ин робита Раиси шаҳри Душанбе аз сокинони пойтахт  даъват ба амал оварданд, ки дар маъракаи эмкунӣ фаъол бошанд, худ ва аъзои оилаашонро эм гузаронанд, то ин ки саломатии наздикон ва аҳли ҷомеа ҳифз карда шавад.

Муҳтарам Рустами Эмомалӣ ба сохторҳои дахлдор дастур доданд, ки аз моҳи феврали соли 2022 эмкунии навбатӣ ва пурраи сокинонро оғоз карда, дар баробари ин, корҳои фаҳмондадиҳиро доир ба риояи қоидаҳои беҳдоштӣ вусъат бахшанд.

Дар ҷаласаи ҷамъбастӣ ҳамчунин ёдоварӣ шуд, ки дар зарфи панҷ сол муассисаҳои тиббии шаҳри Душанбе  бо 35 мошини  замонавии ёрии таъҷилӣ ва дастгоҳҳои нави ташхис таъмин гардида, 118 нафар кӯдакони нуқсони дилдошта аз ҳисоби маблағҳои фонди захираи Раиси шаҳр ҷарроҳӣ карда шуданд.

Раиси шаҳри Душанбе муҳтарам Рустами Эмомалӣ  иброз доштанд, ки  минбаъд низ ба кӯдакони нуқсони дилдошта чунин  кумак расонида  мешавад.

 

АКС аз бойгонии АМИТ «Ховар»

Январь 13, 2022 10:55

Хабарҳои дигари ин бахш

«35-СОЛАГИИ ИСТИҚЛОЛИЯТИ ДАВЛАТӢ». Таҳти ин унвон нақшаи чорабиниҳои мақомоти иҷроияи ҳокимияти давлатии шаҳри Душанбе таҳия гардида истодааст
Ба Душанбе барои санҷиши масолеҳи сохтмони роҳ аз Италия 110 дастгоҳи озмоишгоҳӣ ворид мегардад
Имрӯз дар Душанбе ҷаласа оид ба ҷамъбасти натиҷаҳои рушди иҷтимоию иқтисодии шаҳр дар соли 2021 баргузор гардид
ДАР ПАРТАВИ ПАЁМИ ПЕШВОИ МИЛЛАТ. Имрӯз дар Душанбе 8 адад электромобил ба истифода дода шуданд
Дар ноҳияи Шоҳмансури шаҳри Душанбе майдончаи варзишӣ ифтитоҳ ёфт
Дар ноҳияи Фирдавсии шаҳри Душанбе марказҳои хизматрасонӣ ба истифода дода шуданд
ФАРҲАНГ ДАР РУШДИ ИНСОН МАҚОМИ АРЗАНДА ДОРАД. Муовини Раиси шаҳри Душанбе Мавсума Муинӣ доир ба афзалияти соҳаи фарҳанги пойтахт ибрози андеша намуд
Доир ба имконоти сайёҳӣ, заминаҳои воқеӣ ва дурнамои рушди шаҳри Душанбе ҳамоиш доир шуд
Ба 2500 нафар кӯдакони ятиму бепарастори пойтахт аз номи Раиси шаҳри Душанбе Рустами Эмомалӣ туҳфаҳои солинавӣ тақдим гардиданд
Ба зиёда аз 11 ҳазор нафар ниёзмандон кумакҳои Раиси шаҳри Душанбе Рустами Эмомалӣ тақдим шуданд
Имрӯз дар пойтахт Иҷлосияи ҳаштуми Маҷлиси вакилони халқи шаҳри Душанбе, даъвати шашум баргузор гардид
Дар Душанбе барномаҳои фарҳангии солинавӣ дар доираи маҳдуд гузаронида мешаванд

Маводҳои таҳлилӣ