Саъдӣ Каримзода: Соли 2021 аз Тоҷикистон 208 ҳазор тонна маҳсулоти кишоварзӣ содирот гардид

Январь 31, 2022 14:30

ДУШАНБЕ, 31.01.2022 /АМИТ «Ховар»/. Соли 2021 аз Ҷумҳурии Тоҷикистон 208 ҳазор тонна маҳсулоти кишоварзӣ ба маблағи  36 млн доллари ИМА содирот шудааст, ки нисбат ба соли гузашта аз рўи ҳаҷм 79 ҳазор тонна зиёд мебошад, иттилоъ дод Вазири кишоварзии мамлакат Саъдӣ Каримзода имрӯз зимни баргузории нишасти матбуотӣ ба намояндагони ВАО.

Ба гуфти вазир, дар содироти маҳсулоти кишоварзӣ зиёдшавӣ аз ҳисоби пиёз 6 ҳазор тонна, меваи хушк 25,5 ҳазор тонна, меваҷоти тару тоза ва ангур 43,3 ҳазор тонна мебошад.

Ҳамчунин зикр гардид, ки дар асоси супориши Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чун соли қаблӣ бо дарназардошти 40 фоиз зиёд намудани майдони кишти картошка дар ҳамаи шаклҳои хоҷагидорӣ тибқи дурнамо кишти он соли 2021 низ дар ҳамаи шаклҳои хоҷагидории ҷумҳурӣ 65 312 гектар пешбинӣ гардида,  дар майдони 58239 гектар кишт гузаронида шуд, ки 89 фоизи дурнамои пешбинигардидаро ташкил медиҳад. Нишондиҳандаҳои дурнамои кишти картошка асосан аз ҳисоби шаҳру ноҳияҳои ВМКБ 28 фоиз, вилояти Суғд 11 фоиз, вилояти Хатлон 10 фоиз, шаҳру ноҳияҳои тобеи ҷумҳурӣ 11 фоиз, аз ҷумла аз ҳисоби шаҳру ноҳияҳои  Ҳисор 33 фоиз, Файзобод 33 фоиз, Нуробод 67 фоиз ва Тоҷикобод 8 фоиз таъмин нагардид.

Зимни нишасти матбуотӣ зикр шуд, ки барои замина гузоштан ба ҳосили соли 2022 то оғози соли равон дар хоҷагиҳои ҷамоавӣ ва деҳқонӣ кишти сабзавоти барвақтӣ дар майдони 12246,8 гектар, аз он пиёз 8657 гектар, карам 792 гектар, сабзӣ 1821 гектар, сирпиёз 55,6 гектар, дигар сабзавот 921 гектар ва сабзавоти тухмӣ 28 гектар гузаронида шудааст.

АКСҲО: АМИТ «Ховар»

Январь 31, 2022 14:30

Хабарҳои дигари ин бахш

Дар Лондон масъалаи ба «Амонатбонк» додани нуфузи байналмилалӣ баррасӣ шуд
Дурнамои нишондиҳандаҳои рушди иҷтимоию иқтисодии вилояти Хатлон ва шаҳри Душанбе муаррифӣ гардид
Форуми соҳибкории Тоҷикистону Туркманистон доир мешавад
Дар Форуми сармоягузории Ҷумҳурии Тоҷикистон ва Британияи Кабир маҳсулоти ватанӣ муаррифӣ мегардад
Дар Душанбе Форуми сармоягузории Тоҷикистону Озарбойҷон баргузор мешавад
Байни Вазорати нақлиёти Тоҷикистон ва «China Road and Bridge Corporation» ба маблағи 31,2 миллион доллар қарордод ба имзо расид
Дар ноҳияи Бобоҷон Ғафурови вилояти Суғд кишти чигит оғоз гардид
Кишоварзони Тоҷикистон имсол дар 26 936 гектар зироати равғандиҳанда кишт ва парвариш менамоянд
«НАВРӮЗ-МЕРОСИ ФАРҲАНГИИ САЙЁҲӢ». Дар доираи ин фестивал имконияти сайёҳӣ ва фарҳанги миллии тоҷикон муаррифӣ карда шуд
ҶУФТБАРОРОН. Ин маросим дар Наврӯз аз оғози кишту кори баҳорӣ башорат медод
РАВАНДИ ОБИ ДУШАНБЕ. Ҷомеаи ҷаҳон аз Конфронси оби СММ-2023 интизориҳои зиёд дорад
Дар ноҳияи Шаҳринав намоиши техникаи кишоварзӣ гузаронида шуд