Варзишгарони дастаи «Динамо» ғолиби Мусобиқаи гӯштини юнону румӣ байни наврасон гардиданд

Январь 10, 2022 10:23

ДУШАНБЕ, 10.01.2022. /АМИТ «Ховар»/. Дар Мусобиқаи гӯштини юнону румӣ байни наврасони солҳои таваллудашон 2006-2008 варзишгарони дастаи «Динамо»-и Вазорати корҳои дохили мамлакат Шамсиддин Олимов дар вазни 52кг, Исмоил Бозоров дар вазни 35кг мақоми аввалро соҳиб гардида, Фаррухи Хуршед дар вазни 52кг, Аҳмадшоҳи Хуршед дар вазни 44кг ба гирифтани ҷойи дуюм сазовор гашта, мақоми сеюм насиби Фарзоду Меҳрзод Юсуфӣ ҳар ду дар вазни 44кг ва Муҳаммад Зоғаков дар вазни 38кг гардид.

Тавре дар Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, мусобиқаи мазкур  бо мақсади тарғибу ташвиқи тарзи ҳаёти солим, мустаҳкам намудани дӯстию рафоқат байни наврасон ва муайян намудани беҳтарин варзишгарон 3-юм ва 4-уми  январи соли равон дар шаҳри Душанбе баргузор гардид.

Баргузории мусобиқаи мазкур  ба рӯзҳои таътили зимистонаи наврасон рост омада, дар он 10 дастаи мактабҳои варзишии пойтахт бо теъдоди беш аз 70 нафар варзишгар ширкат намуданд.
Аз ҷумла,   аз дастаи «Динамо»-и ВКД  10 варзишгар иштирок карда, дар ин мусобиқа  ҷойҳои намоёнро ишғол намуданд.

Мавриди ёдоварист, ки  бо мақсади баланд бардоштани маҳорати варзишии наврасону ҷавонон дар риштаи гӯштини дзюдо (ҷудо), тарғибу ташвиқи тарзи ҳаёти солим ва омоданамоии дзюдочиён ҷиҳати иштирок дар мусобиқаҳои сатҳи байналмилалӣ, дар Муассисаи давлатии «Қасри варзиш»-и шаҳри Хуҷанд мусобиқаи ҷумҳуриявӣ оид ба дзюдо  байни наврасон ва ҷавонон баргузор гардид.

Дар ин мусобиқаи сатҳи ҷумҳуриявӣ дастпарварони Шӯрои ҷумҳуриявии «Динамо»-и ВКД низ иштирок намуда, маҳорати худро санҷиданд. Дар натиҷаи қувваозмоиҳо динамочӣ Муҳаммад Худоиев дар вазни -60кг миёни ҷавонон сазовори ҷойи аввал гардид.

Ёдовар мешавем, ки ба ин намуди варзиш дар Тоҷикистон, бахусус дар мақомоти корҳои дохилӣ таваҷҷуҳи хосса дода мешавад. Бо дастгирии Вазири корҳои дохилӣ Рамазон Раҳимзода  дар заминаи Маҷмааи варзишии Шӯрои ҷумҳуриявии «Динамо»-и ВКД шароити машғул гардидан ба гӯштини  дзюдо боз ҳам беҳтар шуда, дар ин самт таваҷҷуҳи махсус зоҳир мегардад.

АКС аз ВКД  ҶТ

Январь 10, 2022 10:23

Хабарҳои дигари ин бахш

Дар шаҳри Хоруғ барои дарёфти Ҷоми Раиси вилоят мусобиқа оид ба волейбол идома дорад
Соли равон дар вилояти Суғд 25 иншооти варзишӣ ба истифода дода шуд
ФУТЗАЛ. Дастаи мунтахаби Тоҷикистон бар тими миллии Қирғизистон пирӯз шуд
БОЗИҲОИ ОЛИМПИИ ПАРИЖ-2024. Тоҷикистонро аз намуди гӯштини ҷудо паҳлавонони шинохта муаррифӣ мекунад
Ваҳдат Ҳанонов фаъолияташро дар дастаи футболи «Сипоҳон»-и Эрон давом медиҳад
Дастаи мунтахаби Тоҷикистон ҷиҳати иштирок дар Бозиҳои олимпӣ ба шаҳри Парижи Фаронса сафар намуд
ҶОМИ ОСИЁ-2025. Дастаи мунтахаби наврасони Тоҷикистон (U-17) тамринҳои худро барои иштирок дар марҳилаи интихобии оғоз намуданд
ИМРӮЗ — РӮЗИ БАЙНАЛМИЛАЛИИ ШОҲМОТ. Дар Тоҷикистон Мусобиқаи байналмилалии варзишӣ оид ба шоҳмот доир мешавад
Имрӯз дастаҳои мунтахаби футзали Тоҷикистон ва Узбекистон бозӣ мекунанд
Мавзуна Чориева: «Аз варзишгарони тоҷик умеди зиёд дорем, ки дар Бозиҳои олимпии Париж-2024 ба дастовардҳои назаррас ноил мегарданд»
Дар Хоруғ Варзишгоҳи марказӣ аз нав таъмир гардид
ФУТБОЛ. Дарко Илиески ва Павел Назаренко ба ҳайати бозигарони дастаи «Истиқлол»-и шаҳри Душанбе пайвастанд