ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Сокинони ноҳияи Фархор ба пешвози иди Наврӯз тавассути ҳашар пули харобгаштаро барқарор намуданд
ДУШАНБЕ, 06.02.2022 /АМИТ «Ховар»/. Бо мақсади ободу зебо гардонидани маҳалли зист, хиёбонҳо, гулгашту майдонҳо тавассути ҳашари якҷояи сокинон пули харобгаштаи деҳаи 1-уми майи Ҷамоати деҳоти ба номи Истиқлоли ноҳияи Фархор, ки ҳамзамон сабаби қатъи рафтуомад ба деҳаи дигар шуда буд, барқарор гардид, хабар доданд аз маркази матуботи раиси ноҳияи Фархор ба АМИТ «Ховар».
Ба гуфтаи масъулин, пули қаблӣ барои гардиши воситаҳои нақлиёт танг буда, душворӣ пеш меовард.
Баъд аз анҷоми корҳои сохтмони пули нав сокинони деҳаи Наврӯзи Ҷамоати деҳоти ба номи Истиқлоли ноҳияи Фархор низ иқдом гирифтаанд, ки пули деҳаи худро, ки солиёни дароз таъмирталаб мебошад, ба тариқи ҳашар навсозӣ намоянд.
Бо мақсади дар сатҳи баланд ҷашн гирифтани иди Навруз ҳамин гуна ҳашарҳо дар ҳамаи кӯчаву маҳаллаҳои деҳот гузаронида мешаванд. Тариқи ҳашар корҳои аз партовҳо тоза намудани шоҳроҳи марказӣ ва шинонидани ниҳолҳои ҳамешасабзи арча дар шафати он ҳамарӯза идома доранд.
АКС: Маркази матбуоти раиси н. Фархор
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
