Дар Академияи идоракунии давлатӣ оид ба Паёми Пешвои миллат ва таъмини рушди устувори Тоҷикистон ҳамоиш доир шуд

Февраль 3, 2022 16:44

ДУШАНБЕ, 03.02.2022 /АМИТ «Ховар»/. Дар Академияи идоракунии давлатии назди Президенти Ҷумҳурии Тоҷикистон бо ташаббуси Пажӯҳишгоҳи идоракунии давлатӣ ва хизмати давлатӣ дар мавзӯи «Паёми Президенти Ҷумҳурии Тоҷикистон ва таъмини рушди устувори Тоҷикистон» мизи мудаввари илмӣ доир гардид, хабар доданд ба АМИТ «Ховар» аз Академияи идоракунии давлатӣ.

Дар ҳамоиш олимону кормандони сохторҳои илмию таълимии Академия  иштирок  намуданд.

Ноиби ректор оид ба илм ва инноватсияи Академия Амид Комилбек иброз дошт, ки “Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи паёмҳои хеш тамоми самтҳои асосии сиёсати дохилию хориҷии мамлакатро таҳлили амиқ намуда, барои рушд ва дастовардҳои бештар роҳҳои мухталифро пешниҳод месозанд. Аз ҷумла, Паёми навбатии Пешвои миллат фарогири таҳлили 30 соли истиқлолият буда, тамоми самтҳои ҳаёти иқтисодию иҷтимоӣ, сиёсию фарҳангии дохиливу хориҷии мамлакатро дар бар мегирад. Нақши ин санади тақдирсози миллат баҳри рушди босуботи Тоҷикистон муҳим арзёбӣ мешавад”.

Тавре Пешвои миллат муҳтарам Эмомалӣ Раҳмон зимни ироаи Паёми навбатӣ иброз намуданд, «Ҳукумати мамлакат ҳадафҳои стратегии миллӣ, яъне таъмин намудани истиқлолияти энергетикӣ, баромадан аз бунбасти коммуникатсионӣ ва табдил додани мамлакат ба кишвари транзитӣ, ҳифзи амнияти озуқаворӣ ва дастрасии аҳолӣ ба ғизои хушсифат, саноатикунонии босуръати мамлакат ва васеъ намудани шуғли пурмаҳсулро тадриҷан амалӣ карда истодааст».

Амалӣ намудани бандҳои Паём марҳилаи нави пешрафту шукуфоиро таъмин намуда, зиндагии арзанда ва инкишофи озодонаро дар роҳи рушди минбаъдаи давлатдории миллиамон муҳайё месозад.

Сипас дар доираи ҳамоиш иштирокчиён дар мавзӯъҳои «Масъалаҳои рушди босуботи иқтисодӣ дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон», «Паёми Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва рушди бемайлони соҳаи маориф», «Масъалаҳои татбиқи ҳадафҳои стратегӣ дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон», «Масъалаҳои сиёсати гендерӣ  дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон» маърӯзаҳо шуниданд.

АКСҲО: Академияи идоракунии давлатӣ

Февраль 3, 2022 16:44

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад