Дар Хатлон Маркази тренингӣ ба фаъолият оғоз намуд
ДУШАНБЕ, 17.02.2022 /АМИТ «Ховар/. Бо мақсади тақвияти донишу малакаи кормандони кумитаҳои иҷроияи ҳизбии шаҳру ноҳияҳо дар назди Кумитаи иҷроияи Ҳизби Халқии Демократии Тоҷикистон дар вилояти Хатлон Маркази тренингӣ таъсис дода шуд. Дар марказ бо ҷалби мутахассисони соҳибтаҷриба барои кормандони ҳизбӣ курсҳои омӯзишӣ гузаронида мешаванд, хабар доданд аз шуъбаи иттилоот ва матбуоти КИ ҲХДТ дар вилояти Хатлон.
15 феврал нахустин курси омӯзишӣ бо иштироки сармуҳосибони кумитаҳои иҷроияи ҲХДТ дар шаҳру ноҳияҳои вилояти Хатлон оғоз гардид. Раиси Кумитаи иҷроияи ҲХДТ дар вилояти Хатлон Қиёмиддин Миралиён изҳор дошт, ки бояд буҷети кумитаҳо самараноку мақсаднок масраф шуда, дар ин ҷода масъулияти ҷиддӣ дошта бошем.
Зикр гардид, ки курси омӯзишӣ бо иштироки сармуҳосибони кумитаҳои ҳизбӣ то 17 феврал идома ёфта, омӯзгорон мавзӯъҳои тарзу усулҳои ташкил ва таъмини буҷет, ҷамъоварии ҳаққи узвият, хароҷот аз рӯи талабот, тартиби ҳавасмандгардонии ташкилоти ибтидоии ҳизбӣ, усули ташкил ва пешбурди махзани варақаҳои шахсӣ ва дигар масоили идоравиро бо иштирокчиён баррасӣ менамоянд.
Мақсад аз фаъолияти Маркази тренингӣ ва ташкили пайвастаи курсҳои омӯзишӣ- ин таҳким бахшидани коргузорӣ, аз ҷумла рушди асосҳои идоракунӣ, муносибатҳои ташкилию сиёсӣ ва тақвият бахшидани захираҳо оид ба такмили дониши кормандони ҳизбӣ арзёбӣ мегардад.
Масъулони Кумитаи иҷроияи Ҳизби Халқии Демократии Тоҷикистон дар вилояти Хатлон назди худ мақсад гузоштаанд, ки аз ин пас дар ин марказ курсҳои омӯзиширо ба таври доимӣ ба роҳ мемонанд ва шунавандагон аз рӯи мавзӯъҳои муайяншуда бо сертификати такмили донишу маҳорати касбӣ таъмин мегарданд. Вобаста ба таъмини фаъолияти самараноки Маркази тренингӣ барои гузаронидани курсҳои омӯзишӣ аз рӯи барномаҳои таълимӣ ва мавзӯъҳои муайяншуда омӯзгорон аз ҳисоби олимони риштаи ҷомеашиносӣ ва идоракунӣ, ҳамчунин кормандони ботаҷрибаи ҳизбӣ ҷалб карда мешаванд.
Дар доираи курсҳои омӯзишӣ бо ҷалби омӯзгорону мутахассисони варзидаи соҳаи рӯзноманигорӣ ҳайати эҷодии нашрияи “Ҳамрози халқ” низ ба бозомӯзӣ ва такмили ихтисос фаро гирифта мешавад. Ҳамчунин бо мақсади тарбия ва омода намудани кадрҳои ҷавони соҳаи матбуот аз ҳисоби донишҷӯёни Донишгоҳи давлатии Бохтар ба номи Носири Хусрав 10 нафар ихтиёриён барои таҷрибаомӯзӣ ба нашрияи “Ҳамрози халқ” ҷалб карда шуданд.
АКСҲО: КИ ХХДТ дар вилояти Хатлон
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
Фаронсаро тӯфони «Флориан» фаро гирифтааст
ИНТИХОБОТИ ВАКИЛОНИ ХАЛҚ-2025. Панҷ комиссияи ҳавзавии интихобот оид ба интихоботи аъзои Маҷлиси миллии Маҷлиси Олии Ҷумҳурии Тоҷикистон таъсис дода шуд
Дар натиҷаи заминларза дар Чин 95 нафар ҳалок гардида, 130 нафар захмӣ шуданд
