ДУШАНБЕРО БА ШАҲРИ САБЗ ТАБДИЛ МЕДИҲЕМ! Дар ноҳияи Фирдавсӣ шинонидани беш аз 1,7 миллион дона гулҳои мавсимӣ ва бисёрсола ба нақша гирифта шудааст
ДУШАНБЕ, 15.02.2022. /АМИТ «Ховар»/. Дар доираи роҳнамоиҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон ва бо мақсади амалӣ намудани ташаббуси Раиси шаҳри Душанбе муҳтарам Рустами Эмомалӣ ҷиҳати ба «шаҳри сабз» табдил додани пойтахти азизамон – шаҳри Душанбе дар кӯчаю хиёбонҳои ноҳияи Фирдавсӣ дар умум ба миқдори 1 728 700 дона гулҳои мавсимӣ ва бисёрсола ба нақша гирифта шуда, то ба имрӯз ба миқдори 3019028 дона ниҳол шинонида шудааст. Ин нуктаро имрӯз зимни нишасти матбуотӣ раиси ноҳияи Фирдавсӣ Фатҳиддин Усмонзода дар ҳузури хабарнигорон баён дошт.
Ҳамзамон иттилоъ дода шуд, ки дар ин давра аз ҳисоби иттиҳодияи динӣ 1936 бутта дарахтони сояафкану мевадиҳанда, 4378 дона гулҳои мавсимию ҳамешасабз шинонида шуда, 600 метри маруббаъ ҷойҳои хушку бекорхобида ба майсазор табдил дода шуда, 600 метри мураббаъ сангфарш карда шудааст.
Раиси ноҳия иброз дошт, ки талошу тадбирҳои пайвастаи Раиси шаҳри Душанбе муҳтарам Рустами Эмомалӣ дар самти ободу зебо ва сабзу хуррамгардонии пойтахти мамлакат — шаҳри Душанбе баргирифта аз ҳидояту роҳнамоиҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон доир ба сабзкорию ободгардонӣ, гулзору гулпӯшгардонии мамлакат мебошад, ки имрӯз ин иқдомро ҳама пиру ҷавони мамлакат вазифаи хеш дониста, пайи анҷом додани он меҳнат мекунанд.
Ёдрас мешавем, ки моҳи октябри соли 2021 Раиси шаҳри Душанбе муҳтарам Рустами Эмомалӣ аз тамоми сокинони пойтахт даъват ба амал оварданд, ки барои ба «шаҳри сабз» табдил додани Душанбе саҳм гузоранд. Зеро ниҳолшинониву гулшинонӣ аз қадимулайём барои тоҷикон рамзи зиндагии шоиста, хуррамӣ ва шодобӣ мебошад.
АКСҲО: АМИТ «Ховар»
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни занону духтарон ҷамъбаст шуд
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
Дар ноҳияи Шоҳмансури шаҳри Душанбе Озмуни ноҳиявии «Кадбонуи беҳтарин» баргузор гардид
«МОДАР — САРЧАШМАИ МЕҲРУ МУҲАББАТ». Дар Душанбе Рӯзи модарро ботантана таҷлил намуданд
Иҷлосияи панҷуми Маҷлиси вакилони халқи шаҳри Душанбе, даъвати ҳафтум баргузор мегардад
Маросими қадршиносии беҳтаринҳо дар соҳаҳои кор бо ҷавонон ва варзиши шаҳри Душанбе баргузор гардид
МОДАР — САРЧАШМАИ МЕҲРУ МУҲАББАТ. Дар ноҳияи Шоҳмансур ҳамоиши идонаи фарҳангӣ – фароғатӣ доир шуд
УФУҚҲОИ ДӮСТӢ. Муносибатҳои бародаршаҳрӣ байни Душанбе ва Боку тақвият меёбад
«ЗАН-МОДАР — ПАЙВАНДГАРИ НАСЛҲО». Дар Душанбе ҳамоиши маърифатӣ — фарҳангӣ доир гардид
«БАРОИ ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон доир гардид
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
