Раиси Суди Олии иқтисодии Тоҷикистон: «Шумораи парвандаҳои муфлисшавӣ афзудааст»
ДУШАНБЕ, 08.02.2022 /АМИТ «Ховар»/. Соли 2020 мо 6 парвандаи муфлисшавӣ ва барҳамдиҳии ташкилоти қарзии хурд ва ҷамъият доштем, вале соли сипаригардида ин теъдод ба 13 адад расид,-гуфт Раиси Суди Олии иқтисодии Ҷумҳурии Тоҷикистон Мавлуда Қаландарзода 8 феврал зимни нишасти матбуотии ин ниҳод ба хабарнигорон.
Ба гуфтаи Мавлуда Қаландарзода, дар самти иҷрои Барномаи давлатӣ оид ба таълиму тарбияи ҳуқуқии шаҳрвандон судҳои иқтисодӣ низ масъул буда, соли сипаригардида 301 парванда дар мурофиаҳои сайёри судӣ баррасӣ шуданд. Зимни муҳокимаи парвандаҳо дар 278 ҳолат вайронкунии қонун ошкор карда шуда, ҷиҳати бартараф кардани сабабу шароите, ки ба вайронкунии қонун оварда расонидаанд, бо мақсади ҷалб намудани диққати мақомоти давлатӣ, ташкилоти ҷамъиятӣ ва шахсони мансабдор таъйиноти хусусӣ бароварда, барои чораҷӯӣ ирсол карда шуданд.
Зимни нишаст хабарнигори АМИТ «Ховар» аз Раиси Суди Олии иқтисодии Ҷумҳурии Тоҷикистон Мавлуда Қаландарзода пурсид, ки теъдоди парвандаҳои муфлисшавӣ ва барҳамдиҳии ташкилоти қарзӣ дар судҳои иқтисодии Тоҷикистон тамоюли зиёдшавӣ дорад ё пастравӣ?
Мавсуф дар посух гуфт, ки «ҳоло дар судҳои иқтисодӣ шумораи парвандаҳои муфлисшавӣ ва барҳамдиҳии ташкилоти қарзии хурд ва ҷамъиятҳо афзоиш ёфтааст. Ин омил дар ҳама ҷомеа ба назар мерасад, нафаре ки фаъолияти бе камбудӣ мебарад ва амалаш пардохтпазир аст, корашро бе мамониат пеш мебарад. Аммо нафаре, ки низоми корашро дуруст ба роҳ намондаасту уҳдадориҳояшро расман иҷро карда наметавонад, дар натиҷа муфлис мешавад, ки ин боиси пайдо шудани баҳсҳои судӣ мегардад».
Раиси Суди олии иқтисодӣ илова намуд, ки дар давраи ҳисоботӣ ба судҳои иқтисодӣ 3824 адад аризаҳои даъвогӣ ва шикояту дархостҳо ворид гардида, аз он 2673 адад баррасӣ карда шуданд. Шумораи бештари баҳсҳоро муносибатҳои қарзӣ ташкил медиҳанд, ки дар давраи ҳисоботӣ 460 парвандаро дарбар мегирад.
АКС: АМИТ «Ховар»
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
