Рустами Эмомалӣ бо Фармондеҳи пойгоҳи низомии 201-уми Федератсияи Русия дар Тоҷикистон мулоқот намуданд
ДУШАНБЕ, 08.02.2022. /АМИТ «Ховар»/. Имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ Фармондеҳи навтаъйини Пойгоҳи низомии 201-уми Федератсияи Русия дар Ҷумҳурии Тоҷикистон Евгений Геннадевич Ковилинро бо хоҳиши ӯ ба ҳузур пазируфтанд, иттилоъ доданд дар шуъбаи иттилоотии дастгоҳи Раиси шаҳри Душанбе ба АМИТ «Ховар».
Раиси шаҳри Душанбе муҳтарам Рустами Эмомалӣ дар оғози суҳбат Е.Г. Ковилинро ба муносибати Фармондеҳи Пойгоҳи низомии 201-уми Федератсияи Россия дар Ҷумҳурии Тоҷикистон таъйин гардиданаш самимона табрик гуфтанд.
Дар ҷараёни мулоқот масъалаҳои марбут ба ҳолати кунунӣ ва дурнамои ҳамкории мутақобилан судманд миёни мақомоти иҷроияи ҳокимияти давлатии шаҳри Душанбе ва Пойгоҳи низомии 201-уми Федератсияи Русия дар Ҷумҳурии Тоҷикистон баррасӣ гардид.
Ҷонибҳо бештар ба мавзўоти такмили робитаҳо дар доираи муносибатҳои шарикии стратегӣ миёни Ҷумҳурии Тоҷикистон ва Федератсияи Русия дахл карданд.
Таъкид гардид, ки тайи 30 соли барқарории муносибатҳои дипломатӣ миёни ду кишвар ҳамкорӣ сатҳу уфуқҳои нав касб намуд.
Қисми бештари мулоқот ба масъалаи ба роҳ мондани ҳамкории мутақобилан судманд миёни Мақомоти иҷроияи ҳокимияти давлатии шаҳри Душанбе бо субъектҳои Федератсияи Русия дар соҳаҳои гуногун бахшида шуд.
Дар мулоқот Сафири Фавқулода ва мухтори Федератсияи Русия дар Ҷумҳурии Тоҷикистон Игор Лякин-Фролов иштирок дошт.
Мулоқот ба таври созанда ва дар фазои якдигарфаҳмии комил сурат гирифт.
АКСҲО: АМИТ «Ховар»
Тамошои дастҷамъонаи кормандони сохторҳои шаҳри Душанбе аз толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо» идома дорад
Душанбе ва Бишкек робитаҳои бародаршаҳрӣ барқарор намуданд
Аъзою кормандони ҲХДТ толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро тамошо намуданд
Бахшида ба Рӯзи байналмилалии ҳифзи пиряхҳо дар Душанбе тамошои дастҷамъонаи Осорхонаи миллии Тоҷикистон ташкил гардид
Дар Душанбе бахшида ба Рӯзи Модар барномаи пуршукуҳи фарҳангӣ баргузор шуд
Бахшида ба Рӯзи Модар дар шаҳри Душанбе хатсайри сайёҳӣ ташкил гардид
Барои дарёфти стипендияҳои Раиси шаҳри Душанбе озмун эълон гардид
Барои муҳаққиқони ҷавон Ҷоизаи Раиси шаҳри Душанбе таъсис ёфт
Форуми IV байналмилалии «Наврӯзи Душанбе – меҳвари робитаҳои фарҳангию сайёҳӣ» 19 март баргузор мешавад
Иҷлосияи якуми Маҷлиси вакилони халқи шаҳри Душанбе, даъвати ҳафтум баргузор мегардад
Дар Душанбе даври ҷумҳуриявии Фестивали «Сад ранги чакан» баргузор мегардад
Раиси Маҷлиси миллии Маҷлиси Олӣ, Раиси шаҳри Душанбе Рустами Эмомалӣ дар участкаи интихоботии №15-и ноҳияи Исмоили Сомонии шаҳри Душанбе овоз доданд
