Ваколатдор оид ба ҳуқуқи инсони Тоҷикистон дар Конференсияи байналмилалӣ дар Узбекистон иштирок намуд
ДУШАНБЕ, 23.02.2022 /АМИТ «Ховар»/. 23 феврал Ваколатдор оид ба ҳуқуқи инсон дар Ҷумҳурии Тоҷикистон Умед Бобозода дар Конференсияи байналмилалӣ бахшида ба 27-солагии таъсиси Ваколатдор оид ба ҳуқуқи инсони Ҷумҳурии Узбекистон (Омбудсмен) дар мавзӯи «Ҳуқуқ ва манфиатҳои қонунии инсон – арзиши олии давлат ва ҷомеа» бо иштироки ваколатдорони мамлакатҳои хориҷӣ, аъзои Парлумон ва сохторҳои давлатии Ҷумҳурии Узбекистон, инчунин намояндагони созмонҳои байналмилалӣ ва ҷомеаи шаҳрвандӣ, ки тариқи маҷозӣ сурат гирифт, иштирок намуда, дар мавзӯи «Механизми миллии превентивии ҳуқуқи инсон: амалияи кишвари Тоҷикистон» маърӯза намуд.
Тавре дар Ваколатдор оид ба ҳуқуқи инсон дар Ҷумҳурии Тоҷикистон хабар доданд, Умед Бобозода хусусан оид ба сиёсати имрӯзаи Ҷумҳурии Тоҷикистон ҷиҳати ҳифзи ҳуқуқҳои шахсоне, ки дар муассисаҳои пӯшида ва қисман пӯшида қарор доранд, мавқеи мақомоти Ваколатдор оид ба ҳуқуқи инсон дар Ҷумҳурии Тоҷикистон дар ҳимояи ҳуқуқҳои шахсони зикргардида сухан гуфта, якчанд тавсияҳо пешниҳод намуд.
Конференсия чор қисматро дар бар гирифта, дар он масоили мубодилаи амалияи беҳтарини байналмилалӣ ва миллии кишварҳо дар самти ҳимоя ва пешбурди ҳуқуқи ҷавонон, шахсони дорои маъюбият ҳамчун гурӯҳҳои осебпазири аҳолӣ, шахсони дар муассисаҳои пенитенсиарӣ нигоҳдошташуда ва дурнамои рушди механизми миллии превентивии кишварҳо мутобиқ ба стандартҳои байналмилалӣ мавриди баррасӣ қарор дода шуданд.
АКС: Ваколатдор оид ба ҳуқуқи инсон дар ҶТ
Абдусалом Назаров дар боғаш 12 навъи зардолу парвариш менамояд
Дар доираи татбиқи «Барномаи рушди иқтисодию иҷтимоии ноҳияи Рашт барои солҳои 2021-2025» 256 иншоот сохта мешавад
Имрӯз дар шаҳри Душанбе ҳаво то 37 дараҷа гарм мешавад
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
