«ДУШАНБЕИ АФСОНАВӢ». Тавассути ин хатсайр хонандагон аз мавзеъҳои ҷолиби пойтахт боздид намуданд
ДУШАНБЕ, 07.03.2022 /АМИТ «Ховар»/. Бо оғози фасли баҳор, ки мавсими сайру саёҳат аст, ширкати сайёҳии «Шумон тур» дар ҳамкорӣ бо мақомоти иҷроияи ҳокимияти давлатии ноҳияи Шаҳринав барои як гурӯҳ муҳассилини муассисаҳои таълимии ноҳияи Шаҳринав сайёҳати таърихию фарҳангӣ тавассути хатсайри «Душанбеи афсонавӣ» роҳандозӣ намуданд.
Ҳадафи роҳандозии ин хастсайрро масъулин муаррифии ҳарчи бештари мавзеъҳои таърихию бостонӣ ва фарҳангию фароғатии пойтахти кишвар-шаҳри Душанбе унвон намуданд. Тавассути хатсайри мазкур хонандагон аз таъриху ташаккули давлатдории тоҷикон, бахусус дирӯзу имрӯзи шаҳри Душанбе огоҳӣ пайдо намуданд.
Хонандагон аз мавзеъҳои ҷолиби таваҷҷуҳи пойтахт Муҷассамаи Шоҳ Исмоили Сомонӣ, боғҳои Нишон, Парчам, Ҷавонон, ҳайвонот ва Осорхонаи миллӣ, боздид намуда, бо таърихи гузашта ва муосири миллати тоҷик ва рушду пешрафти чашмраси шаҳри Душанбе шинос гардиданд.
Мавриди зикр аст, ки чунин силсиласафарҳо бо иқдоми ширкати сайёҳии «Шумон тур» дар фасли баҳор ва ҷашни Наврӯзи байналмилалӣ ба дигар гӯшаву канори кишвар идома меёбад. Роҳандозии иқдом боиси он мешавад, ки сайёҳии дохилӣ бештару беҳтар рушд ёбад ва имконияту зарфияти соҳа муаррифӣ гарданд.
Ташкили хатсайри «Душанбеи афсонавӣ» барои хонандагони муассисаҳои таълимии миёнаву олии ҷумҳурӣ ташкил шуда, он дар асоси дастуру супоришҳои Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон ва ҳукумати мамлакат ҷиҳати тарғибу ташвиқ ва муаррифии зарфияти сайёҳии кишвар равона шудааст.
АКСҲО: Аз манбаъҳои боз ва ширкати «Шумон-тур»
ДУШАНБЕ — ҚАЛБИ ТОҶИКИСТОН. Таҳти ин унвон конференсияи ҷумҳуриявии илмӣ – амалӣ баргузор шуд
35 ШОҲКОРӢ ДАР ДУШАНБЕ. Дар даврони соҳибистиқлолӣ пойтахти Тоҷикистон ба яке аз шаҳрҳои зеботарини минтақа табдил ёфт
«БУРҶИ ДУШАНБЕ» — 77 ОШЁНА ВА 340 МЕТР БАЛАНДӢ. Сохтмони баландтарин иншоот дар пойтахти Тоҷикистон оғоз гардид
Раиси шаҳри Душанбе Рустами Эмомалӣ бинои нави Кумитаи дин ва танзими ҷашну маросимро ифтитоҳ намуданд
Имсол кӯчаи Абдулаҳад Қаҳҳоров мавриди истифода қарор дода мешавад
Шумораи воситаҳои нақлиёти мусофирбар дар шаҳри Душанбе 20 фоиз зиёд карда шуд
ДУШАНБЕИ ИДОНА. Дар пойтахти Тоҷикистон ба истиқболи 35-солагии Истиқлоли давлатӣ омодагӣ мегиранд
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
35-СОЛАГИИ ИСТИҚЛОЛИЯТИ ДАВЛАТӢ. Дар пойтахти Тоҷикистони соҳибистиқлол — Душанбе лоиҳаҳои азими роҳсозӣ татбиқ гардиданд
Дар ноҳияи Фирдавсии пойтахт корхонаи истеҳсолии ҶСП «Нур Пласт» ба истифода дода шуд
РУШДИ БЕСОБИҚАИ ДУШАНБЕ ДАР 35 СОЛИ СОҲИБИСТИҚЛОЛӢ. Мулоҳизаҳои муовини Раиси Маҷлиси намояндагон Мавсума Муинӣ
35-СОЛАГИИ ИСТИҚЛОЛИ ДАВЛАТӢ. Дар ноҳияҳои Сино ва Шоҳмансури шаҳри Душанбе иншооти муҳим ба истифода дода шуданд
