Парлумони Арманистон Ваагн Хачатрянро президент нави ин кишвар интихоб кард
ДУШАНБЕ, 03.03.2022 /АМИТ «Ховар»/. Парлумони Арманистон вазири саноати технологияҳои баланд Ваагн Хачатрянро президенти ин кишвар интихоб кард. Тавре АМИТ «Ховар» бо истинод ба АИ «Арменпресс» хабар медиҳад, дар ин бора имрӯз, 3 март, раиси комиссияи ҳисоби мақомоти қонунгузор Нарек Бабаян иттилоъ дод.
Хачатрян ягона довталаби ин мансаб буда, номзадии ӯ аз ҷониби ҳизби ҳокими «Гражданский договор» пешбарӣ гардид. Дар даври аввал ба тарафдории ӯ ҳамагӣ 69 вакил овоз дод.
«71 вакил ба тарафдории Хачатрян овоз доданд (барои интихоб дар даври дуюм 65 нафар лозим аст – тавзеҳ). Фраксияҳои мухолифи «Армения» ва «Честь имею» интихоботро бойкот карданд.
Сарвазири Арманистон Никол Пашинян Ваагн Хачатурянро бо интихоб шуданаш ба мақоми президент табрик гуфт.
АКС: «Арменпресс»