Дар ноҳияи Дӯстӣ дар доираи Global Money Week-2022 сатҳи маърифати молиявии ҷавонон баланд бардошта шуд
ДУШАНБЕ, 26.04.2022 /АМИТ «Ховар»/. Дар доираи баргузории Ҳафтаи байналмилалии молиявӣ /Global Money Week -2022/ бо иқдоми Бонки давлатии амонатгузории Ҷумҳурии Тоҷикистон «Амонатбонк» дар ноҳияи Дӯстии вилояти Хатлон бо иштироки ҷавонон ва муштариён ҳамоиш доир гардид, ки дар он кормандони сохторҳои дастгоҳи марказии бонк дар мавзӯъҳои мухталифи соҳаи бонкдорӣ ба иштирокдорон маълумоти муфид пешниҳод намуданд.
АМИТ «Ховар» бо истинод ба Бонки давлатии амонатгузории Ҷумҳурии Тоҷикистон иттилоъ медиҳад, ки ҳадафи ҳамоиш баланд бардоштани сатҳи маърифати молиявии ҷавонон ва дар маҷмӯъ муштариёни «Амонатбонк» буд. Хусусан ба иштирокдорон доир ба нақши пул ва қоидаҳои идоракунии он, банақшагирии молиявӣ ва буҷети оила, нақши бонкҳо дар рушди иқтисодиёт, хизматрасониҳо тавассути замимабарномаи «Амонат-мобайл», пасандозҳои муҳлатнок ва пардохтҳои ҳатмӣ, маҳсулоти қарзии «Амонатбонк» ва хизматрасонӣ тавассути кортҳои пардохтӣ маълумоти муфассал ироа гардид.
Баргузории чунин ҳамоишҳо дар доираи чорабиниҳо барои баланд бардоштани сатҳи донишҳои ҷавонон оид ба хизматрасониҳои бонкӣ ва таблиғу ташвиқи дастовардҳои соҳаи бонкдорӣ заминаи мусоид мегузорад.
Мавриди зикр аст, ки ҳамасола аз ҷониби ширкати байналмилалии «Global Money Week» бо иқдоми «Child and Youth Finance International» дар тамоми дунё Ҳафтаи байналмилалии молиявӣ барои кӯдакон ва ҷавонон бо мақсади васеъ кардани имконияти онҳо, ҳифзи ҳуқуқи истеъмолкунандагони хизматрасониҳои бонкӣ ва баланд бароштани сатҳи маърифати молиявии кӯдакону ҷавонон гузаронида мешавад.
АКС: Бонки давлатии амонатгузории Ҷумҳурии Тоҷикистон «Амонатбонк»
БАТР барои намояндагони бахши молиявии Тоҷикистон даври нахустини дарсҳои маҳорат ташкил намуд
Бо мақсади баланд бардоштани маърифати молиявии аҳолӣ «Амонатбонк» дар Муъминобод ҳамоиш доир намуд
ҚУРБИ АСЪОР: дар Тоҷикистон 1 рубли русӣ аз 0.1171 то 0.1180 сомонӣ муқаррар шудааст
ҚУРБИ АСЪОР: дар Тоҷикистон 1 евро аз 11.6327 то 11.7200 сомонӣ муқаррар шудааст
Дар мулоқоти ҳайати Тоҷикистон бо директори Бонки ҷаҳонӣ оид ба масъалаҳои бахши амалиётӣ маблағгузорӣ ба сохтмони неругоҳи «Роғун» баррасӣ гардид
Ҳайати Тоҷикистон дар маҷлиси машваратии давлатҳои электорати ҷаласаҳои баҳории Хазинаи Байналмилалии Асъор ва гурӯҳи Бонки ҷаҳонӣ иштирок намуд
Дар Вашингтон машварати мудирони Хазинаи Байналмилалии Асъор аз давлатҳои Шарқи Наздик ва Осиёи Марказӣ доир гардид
Ҳайати Тоҷикистон бо Президенти Бонки сармоягузории Аврупо ҷалби сармоя барои бунёди иншооти гидроэнергетикиро баррасӣ намуд
ҚУРБИ АСЪОР: дар Тоҷикистон 1 евро аз 11.6371 то 11.7500 сомонӣ муқаррар шудааст
Ҳайати Тоҷикистон бо раиси Бонки миллии Швейтсария роҳҳои тақвияти ҳамкориро баррасӣ намуд
Дар шаҳри Турсунзода вобаста ба тадбирҳои вусъат додани ҳисоббаробаркунии ғайринақдӣ машварати омӯзишӣ доир шуд
Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
