ФУТБОЛ. «Хуҷанд» ва «Файзканд» дар даври дуюми Чемпионати Тоҷикистон миёни дастаҳои Лигаи олӣ ғолиб омаданд

ДУШАНБЕ, 11.04.2022 /АМИТ «Ховар»/.  9-10 апрел дар варзишгоҳҳои мамлакат бозиҳои даври дуюми Чемпионати Тоҷикистон оид ба футбол-2022 миёни дастаҳои Лигаи олӣ дар сатҳи баланд баргузор шуданд, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар чор бозӣ ҳамагӣ 8 гол зада шуд. Бозии аз ҳама бозии натиҷаовар дар Истаравшан ба қайд гирифта шуд, ки  дастаи футболи «Файзканд»-и ноҳияи Восеъ бар  дастаи  «Эсхата»-и шаҳри Хуҷанд  бо ҳисоби 3:1 ғолиб омад.

Дар бозии дигар  дастаи футболи  «Хуҷанд»-и шаҳри Хуҷанд   ба дарвозаи дастаи  нави Лигаи олӣ – «Равшан»-и  ноҳияи  Зафаробод 3 голи беҷавоб зад. Бозӣ миёни дастаҳои футболи  «Истаравшан»-и шаҳри Истаравшан  бо дастаи  «Хатлон»-и шаҳри Бохтар  бидуни гол (0:0) анҷом ёфт. Дар бозии ниҳоӣ дастаи  КМВА-и шаҳри Душанбе бар дастаи футболи  «Регар-ТадАЗ»-и шаҳри Турсунзода  бо ҳисоби  1:0 ғолиб омад.

Чемпионати  Тоҷикистон-2022  

Лигаи олӣ. Даври 2-ум

8 апрел (ҷумъа)

«Эсхата» – «Файзканд» 1:3

Голҳои Оятулло Сафаров, Шавкати Ҳотам ва легионери узбек Амирҷон Сафаров пирӯзии аввалини  дастаи «Файзканд»-ро дар мавсими нави чемпионати Тоҷикистон таъмин карданд. Ягона голи дастаи «Эсхата»-ро Санҷар Рихсибоев аз зарбаи 11-метра ба нишон расонид.

9 апрел (шанбе)

«Истаравшан» – «Хатлон»0:0

10 апрел (якшанбе)

«Хуҷанд» – «Равшан» (Зафарабад) 3:0

Голҳо: Манучеҳр Аҳмадов, 57 – автогол (1:0). Сергей Сканян, 64 (2:0). Ҷаҳонгир Эргашев, 78 (3:0).
Бозигари беҳтарин: Сергей Сканян (Хуҷанд).

КМВА– «Регар-ТадАЗ»1:0

Гол: Иззатулло Рӯзиев, 33.
Бозигари беҳтарини бозӣ: Иззатулло Рӯзиев (КМВА).

Чемпионати  Тоҷикистон-2022

Лигаи олӣ. Даври 1-ум

2-юми апрел (шанбе)

«Файзканд» — «Истаравшан» 0:5

Голҳо: Мбеке Сиябатчу Деудони, 35   (0:1). Отабек Зокиров, 57 (0:2). Мбеке Сиябатчу Деудони, 69 (0:3). Отабек Зокиров, 78 (0:4). Амирҷон Сафаров, 82 (0:5).

«Регар-ТадАЗ» — «Равшан» (Зафаробод),2:2 

Голҳо: Фатҳулло Фатҳуллоев, 46 (1:0). Бехрӯз Дустмуродов, 54 (1:1). Бахтиёр Зарипов, 55 (1:2). Фаридун Давлатов, 90+1 (2:2).

Бозии «Истиқлол» — КМВА ба рӯзи эҳтиётӣ гузаронида шуд.

3-юми апрел (якшанбе)

«Эсхата» — «Хуҷанд», 1:0

Гол: Шаҳзод Абдураҳимов, 90+3.

«Хатлон» — «Равшан» (Кӯлоб), 3:1

Голҳо: Тоҳирҷон Тағойзода, 7 (1:0). Парвиз Баки-Ахунов, 21 (2:0). Хайриддин Турахонов, 69 (3:0). Абдухалил Боронов, 77 (3:1).

Мавриди зикр аст, ки  бозиҳои  даври сеюми Чемпионати Тоҷикистон оид ба футбол-2022 миёни дастаҳои Лигаи олӣ 16-17 апрел доир мегарданд. Дар ин давр  дастаҳои футболи «Файзканд»-и ноҳияи  Восеъ  бо «Хуҷанд»-и шаҳри Хуҷанд, «Регар-ТадАЗ»-и шаҳри Турсунзода  бо «Равшан»-и шаҳри  Кӯлоб, «Хатлон»-и шаҳри  Бохтар бо  «Эсхата»-и  шаҳри  Хуҷанд  ва «Равшан»-и  ноҳияи  Зафаробод  бо КМВА-и  шаҳри Душанбе  миёни ҳам вомехӯранд.

АКС: ФФТ