Вазъ ва дурнамои таъмини китобхонаҳои Тоҷикистон бо мутахассисони касбӣ баррасӣ гардид
ДУШАНБЕ, 06.04.2022. /АМИТ «Ховар»/. Барои бартараф намудани мушкилоти кадрии соҳа зарурати ҷорӣ намудани ихтисоси нави «Китобдори китобхонаҳои мактабӣ ва бачагона» ба миён омадааст. Ин матлаб зимни баргузории машварати ҷумҳуриявии илмӣ-назариявӣ, ки дар Донишкадаи давлатии фарҳанг ва санъати Тоҷикистон таҳти унвони «Таъмини китобхонаҳои Тоҷикистон бо мутахассисони касбӣ: вазъият ва дурнамо» доир гардид, баён карда шуд, иттилоъ доданд ба АМИТ «Ховар» дар ДДФСТ .
Дар машварат роҳбарони китобхонаҳои ҷумҳурӣ, директорони китобхонаҳои донишгоҳҳои мамлакат ва мутахассисони соҳа ширкат варзида, баҳри баланд бардоштани сатҳу сифати хизматрасонӣ, истифодаи самараноки воситаҳои техникӣ дар китобхонаҳо пешниҳодҳои муфид намуданд.
Муовини ректор оид ба илм ва рушди инноватсионӣ, номзади илмҳои филологӣ, дотсент Алишер Аминӣ иброз дошт, ки Ҳукумати Ҷумҳурии Тоҷикистон барои заминаи моддиву техникӣ ва ҳуқуқии рушди соҳаи китобдорӣ имконоти васеъ фароҳам овардааст.
Имрӯз сиёсати кадрии соҳаи китобдорӣ тақозо мекунад, ки мутахассисон вобаста ба талаботи замон омода карда шаванд. Гарчанде ки имрӯз дар ҷумҳурӣ норасоии кадрҳои соҳаи китобдорӣ ба назар расида, то андозае ҳалли худро низ ёфта истодааст, вале дар баробари ин масъалаи бе таҳсили касбӣ фаъолият намудани аксар кормандони китобхонаҳо ҳанӯз ҳам ташвишовар аст.
Муовини директори Китобхонаи миллии Тоҷикистон Гадобег Маҳмудов иброз дошт, ки барои баланд бардоштани сатҳи саводнокии кормандони китобхонаҳо ташкили раванди бозомӯзӣ ва азнавтайёркунии касбӣ тадбири саривақтӣ ба ҳисоб меравад.
Дар ҷараёни ҳамоиш декани факултаи китобдорӣ ва иттилоотшиносӣ Зафари Шариф изҳор дошт, ки бо назардошти воридшавии технологияи муосир дар фаъолияти китобхонаҳо, тағйирёбии ҳайати хонандагони китобхонаҳо ва талаботи рӯзафзуни онҳо нисбат ба иттилоот, афзудани шумораи хонандагони хурдсол ва дар маҷмӯъ, дигаргуншавии эҳтиёҷоти ҷомеа ба захираҳои иттилоотӣ, инчунин роҳҳои дастёбӣ ба онҳо зарурати таҷдиди назар намудани ихтисосҳоро дар факулта ба миён овардааст. Вобаста ба ин, бо пешниҳоди кафедраҳои тахассусӣ ихтисосҳои нави «Кори ноширӣ» ва «Бойгониҳои аудиовизуалӣ» ҷорӣ шуда, имсол аз рӯи ин ихтисосҳо довталабон ба донишкада қабул карда шуданд.
АКС: ДДФСТ
«ДИЛНАВИШТА». Таҳти чунин унвон маҳфили эҷодии Ибодулло Машраб баргузор гардид
«ҲЕҶ КАС ВА ҲЕҶ ЧИЗ ФАРОМӮШ НАШУДААСТ». Дар Осорхонаи миллии Тоҷикистон намоиши ҷашнӣ ифтитоҳ ёфт
«МИРЗО ТУРСУНЗОДА ДАВОМДИҲАНДАИ НАЗМИ ҲАЗОРСОЛАИ ХАЛҚИ ТОҶИК МЕБОШАД». Андешаҳои адибони бузург дар васфи шоир
Дар Осорхонаи миллӣ маҳфили «Шоҳномахонӣ» баргузор гардид
«ОН ҚАДАР ДАР ДИЛПИСАНДӢ ДИЛПИСАНД АСТӢ, ВАТАН…». Имрӯз зодрӯзи Қаҳрамони Тоҷикистон устод Мирзо Турсунзода аст
«БЕҲТАРИН ТАРҒИБГАРИ ЛИБОСИ МИЛЛӢ-2024». Дар Донишгоҳи технологии Тоҷикистон даври ҷамъбастии озмун гузаронида шуд
«ҲУНАР БЕҲТАР АЗ ЗАР БУВАД». Дар Бадахшон даври вилоятии фестивали ҳунармандон ҷамъбаст гардид
«САЙРИ ГУЛИ ЛОЛА». Имрӯз дар Боғи фарҳангӣ-фароғатии ба номи Абулқосим Фирдавсӣ даври ҷумҳуриявии озмун баргузор мегардад
«БО ҲАМ». Дар Осорхонаи миллӣ намоиши асарҳои рассомони муосири тоҷик оғоз шуд
Муовини вазири корҳои хориҷии Ҷумҳурии Мардумии Чин Қалъаи Ҳисорро тамошо намуд
Чор иншооти муҳими шаҳри қадимии Панҷакент барқарор карда шуд
Дар Институти физикаю техника озмоишгоҳи замонавӣ ба истифода дода шуд
