Ҷаласаи Комиссияи доимии Ассамблеяи байнипарлумонии ИДМ оид ба сиёсати аграрӣ, захираҳои табиӣ ва экологӣ доир гардид

Май 12, 2022 16:41

ДУШАНБЕ, 12.05.2022 /АМИТ «Ховар»/. Имрӯз раиси кумитаи Маҷлиси намояндагон оид ба масъалаҳои аграрӣ, захираҳои об ва замин Рустам Латифзода дар кори ҷаласаи Комиссияи доимии Ассамблеяи байнипарлумонии давлатҳои узви Иттиҳоди Давлатҳои Мустақил, ки дар шахри Санкт-Петербург баргузор гардид, дар реҷаи фосилавӣ иштирок намуд, хабар дод котиби матбуоти Маҷлиси намояндагон Муҳаммадато Султонов ба АМИТ «Ховар».

Рустам Латифзода дар баробари вакилони парлумони кишварҳои муштаракулманофеъ лоиҳаи қонунҳои намунавӣ «Дар бораи бехатарии экологӣ», «Дар бораи партовҳои истеҳсолӣ ва истеъмолӣ», «Дар бораи ҳудудҳои табиии махсус муҳофизатшаванда», «Дар бораи дастрасӣ ба иттилооти экологӣ»-ро дар таҳрири нав баррасӣ намуд.

Аъзои комиссияи доимӣ ҳамчунин лоиҳаҳои қонунҳои намунавӣ «Дар бораи фондҳои экологӣ», «Дар бораи занбӯри асалпарварӣ» ва «Дар бораи арзёбии таъсири эҳтимолии фаъолияти истихроҷи маъдан ба саломатии аҳолии ҳудудҳои ҳамсоя»-ро баррасӣ намуданд.

Соли 2022 аз ҷониби Маҷмаи Умумии Созмони Милали Муттаҳид Соли байналмилалии рушди устувори минтақаҳои кӯҳӣ эълон шудааст, бинобар ин вакилони порлумон нақша доранд дурнамои татбиқи қонуни намунавӣ «Дар бораи рушд ва ҳифзи ҳудудҳои кӯҳистон»-ро, ки аз ҷониби Комиссияи доимии СММ таҳия шудааст, арзёбӣ кунанд.

Вакилони парлумон ва коршиносон ҳамчунин самтҳои асосии қонунгузориро  муайян намуданд, ки дар онҳо дар се соли оянда таҳияи қонунгузории намунавӣ дар соҳаи сиёсати кишоварзӣ, захираҳои табиӣ ва экология муайян карда шудааст.

Акс: МН МО ҶТ

Май 12, 2022 16:41

Хабарҳои дигари ин бахш

15 июл Иҷлосияи ёздаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор мегардад
Имрӯз ҷаласаи хотимавии иҷлосияи сеюми Маҷлиси намояндагон, даъвати шашум доир гардид
Вакилони Маҷлиси намояндагон аз ҷониби Ассамблеяи Байнипарлумонии ИДМ ва Ассамблеяи Парламентии СААД қадрдонӣ гардиданд
Дар Маҷлиси намояндагон се созишнома ба тасвиб расонида шуданд
Маҷлиси намояндагон бо Барномаи Рушди Созмони Милали Муттаҳид ҳамкориро густариш медиҳад
ҲХДТ номзадашро ба вакилии Маҷлиси намояндагон дар ҳавзаи интихоботии якмандатии Фирдавсӣ №1 пешбарӣ намуд
КМИР: 26 август дар ҳавзаҳои ВМКБ №1 ва НТҶ №5 интихоботи аъзои Маҷлиси миллӣ ба ивази вакилони хориҷшуда баргузор мегардад
Маҳмадтоир Зокирзода бо Эмре Зеки Карагёл мулоқот намуд
Дар Парлумон Қонуни Ҷумҳурии Тоҷикистон «Дар бораи чарогоҳ»-ро мавриди баррасӣ қарор доданд
Вакилони Маҷлиси намояндагон дар конференсияи байналмилалии парлумонии шаҳри Минск иштирок намуданд
Дар Маҷлиси намояндагон бахшида ба Рӯзи Ваҳдати миллӣ ҳамоиш баргузор шуд
Дар Парлумон ҷаласаи якуми Гурӯҳи доимоамалкунанда оид ба ҳуқуқҳои маъюбон баргузор гардид