Бахшида ба Рӯзи ҷавонон дар шаҳри Бохтар Дави миллӣ доир мегардад

Май 13, 2022 08:26

ДУШАНБЕ, 13.05.2022. /АМИТ «Ховар»/. Бо ташаббуси Мақомоти иҷроияи ҳокимияти давлатии шаҳри Бохтар дар якҷоягӣ бо Раёсати кор бо ҷавонон ва варзиши вилояти Хатлон 15 май бахшида ба Рӯзи ҷавонони Тоҷикистон дар шаҳри Бохтар Дави миллӣ ва веломарафон баргузор мегарданд. Дар ин бора аз Раёсати кор бо ҷавонон ва варзиши вилояти Хатлон хабар доданд.

Дар мусобиқаҳои мазкур роҳбарону кормандони мақомоти иҷроияи ҳокимияти давлатии вилояти Хатлон ва шаҳри Бохтар, роҳбарони корхонаю ташкилоти вилоятӣ, кормандони мақомоти ҳифзи ҳуқуқ, муассисаҳои таълимӣ, донишҷӯён, хонандагон ва варзишгарон иштирок мекунанд.

Мақсади асосии баргузории мусобиқоти варзишӣ- тарғиби тарзи ҳаёти солим, таҳкими дӯстию бародарӣ миёни наврасону ҷавонон ва ба ин васила изҳори эътирози ҷавонон аз зуҳуроти номатлуб дар ҷомеа, аз ҷумла нашъамандӣ, ҷинояткорӣ, шомил шудан ба гурӯҳҳои ифротӣ мебошад.

Дар ҷамъбасти веломарафон ва дав ғолибон бо дипломҳо мукофотонида мешаванд.

Ёдовар мешавем, ки бо ташаббуси Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Президенти Кумитаи миллии олимпӣ муҳтарам Эмомалӣ Раҳмон аз соли 2007 инҷониб ҳамасола якшанбеи сеюми моҳи май дар арафаи таҷлили Рӯзи ҷавонон дар саросари Тоҷикистон Дави миллӣ баргузор мешавад.

АКС аз бойгонии АМИТ «Ховар»

Май 13, 2022 08:26

Хабарҳои дигари ин бахш

ҶОМИ КФО-2022. «Хуҷанд» дар финали минтақаи марказӣ бо «Суғдиёна» бозӣ мекунад
РОҲИ САФЕД! Варзишгари тоҷик барои иштирок дар Чемпионати ҷаҳон ба Амрико меравад
Ташкилоти ҷамъиятии «Олимпичиёни Тоҷикистон» таъсис ёфт
Аввалин тоҷики муқими Русия сазовори унвони довари дзюдои дараҷаи умумирусиягӣ гардид
Ғолибони шоҳҷоизаҳои Мусобиқаи ҷумҳуриявӣ оид ба гӯштини миллӣ барои дарёфти ҷоми Раиси шаҳри Душанбе муайян гардиданд
Футболбози тоҷик Нуриддин Давронов фаъолияташро дар Ҳиндустон идома медиҳад
ФУТБОЛ. Алишер Тӯхтаев муваққатан сармураббии дастаи «Истиқлол»-и шаҳри Душанбе таъйин шуд
ҶОМИ КФО-2022: КМВА аз «Суғдиёна» шикаст хӯрд
АҲСАН! Варзишгари тоҷик Моҳрў Ҳалимова дар Чемпионати Осиё оид ба таэквондо медали биринҷӣ ба даст овард
ҶОМИ КФО-2022. Имрӯз КМВА-и Душанбе бо дастаи «Суғдиёна»-и Узбекистон бозӣ мекунад
Дар Тоҷикистон барои рушди сохтори варзиши дзюдо барномаи махсус амалӣ мешавад
ҶОМИ КФО. «Хуҷанд»-и Тоҷикистон бар дастаи «Копетдаг»-и Туркманистон ғолиб омад