«BUKHARA FASHION DAYS». Дар ин намоишгоҳ тарроҳи тоҷик Саидҷалол Махсумов ҳунари хешро ба тамошо гузоштааст
ДУШАНБЕ, 23.05.2022 /АМИТ «Ховар»/. Имрӯз дар доираи Фестивали якуми байналмилалии гулдӯзӣ, заргарӣ ва зардӯзӣ дар Бухоро намоишгоҳи “Bukhara fashion days” баргузор шуд, ки дар он тарроҳи тоҷик Саидҷалол Махсумов низ ҳунари дастии хешро ба тамошо гузоштааст. Дар ин бора ба АМИТ «Ховар» дар Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд.
Ёдовар мешавем, ки дар доираи нақшаи кории Муколамаи занони кишварҳои Осиёи Марказӣ барои соли 2022 аз ҷониби Сенати Маҷлиси Олии Ҷумҳурии Узбекистон дар якҷоягӣ бо намояндагии ЮНЕСКО дар шаҳри Тошканд 21 май дар шаҳри Бухоро Фестивали байналмилалии ҳунари гулдӯзӣ, заргарӣ ва зардӯзӣ (кашидадӯзӣ) оғоз ёфт.
Ҳайати Тоҷикистон бо роҳбарии муовини якуми Раиси Кумитаи кор бо занон ва оилаи назди Ҳукумати Ҷумҳурии Тоҷикистон Нигорахон Ғаффорзодаро дар Тошканд муовини аввали Кумитаи кор бо занон ва оилаи назди Ҳукумати Ҷумҳурии Узбекистон Озода Парпибоева ва вакили Сенати Узбекистон пешвоз гирифтанд.
Дар бинои мадрасаи Кӯкалтош тарроҳон аз мамлакатҳои Осиёи Марказӣ ва Туркия корҳои намоёни дастии худро ба маърази тамошо гузоштаанд. Махсусан тарроҳони мӯд, ба мисли Маҳфуза Салимова, Ирина Шарифова (Узбекистон), Айдархон Калиев (Қазоқистон), Саидҷалол Махсумов (Тоҷикистон), Мирраҳим Опош (Қирғизистон), Асуман Исчинор (Туркия) ва дигар устодони ҳунар коллексияҳои рангоранги ҳунарии худро дар ин фестивал намоиш доданд.
Дар фестивал зиёда аз 200 нафар занони ҳунарманд, олимон ва донандагони соҳаи санъати миллии кишварҳои Осиёи Марказӣ ва ҳунармандон аз 58 давлати дунё иштирок доранд. Миёни онҳо 110 нафар заргарон, 37 нафар устоҳои зардӯз, 44 нафар гулдӯзон ва 97 нафар устоҳои соҳаҳои гуногуни ҳунармандӣ ҳастанд.
Мақсад аз баргузории фестивал- муаррифии васеътари ҳунарҳои миллии мардумӣ, тарғиби шакли нотакрори он, роҳандозии табодули таҷриба дар ин самт миёни устодони ин ҳунар ва ба роҳ мондани ҳамкорӣ мебошад.
Ёдовар мешавем, ки Фестивали байналмилалии гулдӯзӣ, заргарӣ ва зардӯзӣ дар Бухоро то 25 май идома меёбад.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Дар Душанбе рӯзҳои фарҳангии шаҳру ноҳияҳои Тоҷикистон баргузор мегарданд
Масъалаи дастрасӣ ба оби нӯшокии устувор бо намояндагони ЮНИСЕФ дар Тоҷикистон баррасӣ гардид
Академик Фарҳод Раҳимӣ: «Бунёди Маҷмааи эҳёи хотираи таърихӣ ва таҳкими ҳувияти миллӣ дар Душанбе аҳамияти бузурги сиёсӣ, иҷтимоӣ, фарҳангӣ ва маънавӣ дорад»
Дар Академияи миллии илмҳо нуктаҳои асосии Паёми Президенти Тоҷикистон шарҳ дода шуд
ПЕШВОИ МИЛЛАТ — ЭҲЁГАРИ НАВРӮЗ. Пас аз Истиқлоли давлатии Тоҷикистон Наврӯз дар сатҳи байналмилалӣ ҷойгоҳ пайдо намуд
Соли 2025 — соли афзоиши устувори истифодабарандагон ва тақвияти нуфузи АМИТ «Ховар» дар фазои рақамӣ
Дар Тоҷикистон охири моҳи январ ҷашни Сада таҷлил мегардад
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихию фарҳангӣ маъракаи тозагӣ, ободонӣ ва ниҳолшинонӣ идома дорад
«КАДБОНУИ БЕҲТАРИН». Моҳи апрел дар Тоҷикистон озмуни ҷумҳуриявӣ баргузор мешавад
Озмуни «Шоҳномахонӣ» рӯйдоди муҳими фарҳангию маърифатӣ аст
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
