ЧЕМПИОНАТИ CAFA-2022. Имрӯз дастаҳои Тоҷикистон бо Узбекистон ва Эрон бо Афғонистон бозӣ мекунанд

ДУШАНБЕ, 18.05.2022 /АМИТ «Ховар»/. Имрӯз бозиҳои даври  навбатии Чемпионати Ассотсиатсияи футболи Осиёи Марказӣ (CAFA) миёни дастаҳои мунтахаби футболи наврасони то 16-солаи Тоҷикистон бо Узбекистон ва  Эрон бо Афғонистон дар Варзишгоҳи марказии шаҳри Душанбе баргузор мегарданд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Аз ин пеш дастаи мунтахаби наврасони Тоҷикистон дар даври сеюми Чемпионати Ассотсиатсияи футболи Осиёи Марказӣ (CAFA), ки дар Душанбе ҷараён дорад, бо дастаи мунтахаби наврасони Афғонистон  бо  ҳисоби мусовии  0:0    бозӣ кард.

Мавриди зикр аст, ки бозии дастаҳо 16 май дар Варзишгоҳи марказии шаҳри Душанбе дар сатҳи баланд  баргузор шуда буд. Дар бозии дигари даври сеюми Чемпионати CAFA-2022 миёни дастаҳои   мунтахаби  наврасони то 16-сола    Эрон бо ҳисоби 2 бар  0 ҳамтоёни хеш аз  Қирғизистонро мағлуб намуд.

Ёдовар мешавем, ки чемпионат аз рӯйи системаи даврӣ дар як давр сурат мегирад.

Чемпионати CAFA-2022 байни дастаҳои наврасон (U-16)

Даври 1

Узбекистон  2:2  Эрон

Афғонистон 1:1  Қирғизистон

Даври 2

Қирғизистон 0:2  Тоҷикистон

Узбекистон 6:0 Афғонистон

Даври 3

Эрон  2:0  Қирғизистон

Тоҷикистон  0:0  Афғонистон

Даври 4

18 май (чоршанбе)

18:00   Эрон – Афғонистон

21:00   Узбекистон – Тоҷикистон

Даври 5

20 май (ҷумъа)

18:00   Қирғизистон – Узбекистон

21:00   Тоҷикистон – Эрон

Акс: ФФТ