Доварони тоҷик бозиҳои Ҷоми КФО-2022 ва марҳилаи интихобии Ҷоми Осиё-2022-ро ҳакамӣ карданд
ДУШАНБЕ, 27.05.2022 /АМИТ «Ховар»/. Доварони Тоҷикистон бозиҳои марҳилаи гурӯҳии Ҷоми КФО-2022 ва марҳилаи интихобии Ҷоми Осиё-2022 оид ба футзалро ҳакамӣ карданд. Дар ин бора ба АМИТ «Ховар» дар Федератсияи футболи Тоҷикистон хабар доданд.
Довари 30-солаи ФИФА оид ба футзал Беҳрӯз Муртазоев (Душанбе) бозиҳои интихобии Ҷоми Осиё-2022 оид ба футзалро дар минтақаи Шарқӣ дар Малайзия ҳакамӣ кард. Дар бозии Ҷопон – Муғулистон (15:0) ба ҳайси довари марказӣ кор карда, дар бозии Ҷопон – Тайбейи Чин (7:1) ба ҳайси ёвари якуми довари марказӣ ва дар бозии Кореяи Ҷанубӣ – Ҷопон (0:9) ба ҳайси ёвари дуюм фаъолият намуд. Илова бар ин, Муртазоев дар бозиҳои Муғулистон – Ҳонконг (1:1) ва Тайбейи Чин – Муғулистон (6:1) довари эҳтиётӣ буд.
Довари ФИФА Сайёдҷон Зайниддинов (Душанбе) ба ҳайси довари марказӣ бозии гурӯҳи «В»-и Ҷоми КФО-2022-ро миёни дастаҳои «Шабоб Ал-Халил» (Фаластин) – «Ҷофар» (Уммон) – 0:3 ҳакамӣ карда, чун довари эҳтиётӣ дар қувваозмоиҳои дастаҳои «Арабӣ» (Кувайт) – «Шабоб Ал-Халил» (Фаластин) – 1:0 ва «Ал-Риффа» (Баҳрайн) – «Шабаб Ал-Халил» (Фаластин) – 3:1 фаъолият намуд.
Довари дигари Тоҷикистон – довари ФИФА Гулмуроди Саъдулло (Душанбе) ба ҳайси довари асосии бозии Ҷоми КФО-2022 дар чаҳоргонаи «А» байни бошгоҳҳои «Ҷаблеҳ» (Сурия) – СК «Кувайт» (Кувайт) – 0:0 фаъолият намуд. Ин довари шаҳри Душанбе ҳамзамон дар бозии «Ал-Ансор» (Лубнон) – СК «Кувайт» (Кувайт) – 0:0 вазифаи довари чорумро иҷро кард.
Акс: ФФТ








Дар шаҳри Хуҷанд Чемпионати Тоҷикистон оид ба бокс ҷамъбаст гардид
Довталабони иҷозатномаи «PRO» оид ба футбол таҷрибаомӯзиро дар дастаи миллии Тоҷикистон анҷом доданд
Дастаи мунтахаби наврасони Тоҷикистон (U-17) дар Амороти Муттаҳидаи Араб бозиҳои дӯстона анҷом медиҳад
«МегаФон Тоҷикистон» шарики кулли Ҷоми Тоҷикистон оид ба футзал гардид
Замони баргузории бозиҳои даври 19-уми Чемпионати Тоҷикистон байни дастаҳои Лигаи олӣ муайян шуд
ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд






